जामनेर । जामनेर नगरपालिकेत भाजपची एकहाती सत्ता यावी, यासाठी भाजप मंत्री गिरीश महाजन यांनी ही निवडणूक प्रतिष्ठेची केली आहे. यासाठी त्यांनी थेट मुस्लिम मतांना चुचकारलं आहे. जामनेर इथं सभा घेत त्यांनी मुस्लिमांना साद घातली आहे. ‘जामनेरमध्ये मुस्लिमांसाठी माझं सगळ्यात जास्त प्राधान्य राहणार असून, शिक्षणासाठी या ठिकाणच्या सर्व शाळा काॅलेज दत्तक घेत आहे,’ अशी घोषणा मंत्री महाजन यांनी केली.
पाच कोटी लागू द्या किंवा दहा कोटी लागू द्या, कुणाकडूनही मागून आणेल.” मी अंबानी यांना पैसे मागेन, त्यांच्याशी माझे चांगले संबंध आहे, त्यांना सांगेल की, या ठिकाणी चांगल्या इमारती बांधून द्या, तरी पुष्कळ होईल, असेही मंत्री गिरीश महाजन यांनी म्हटले.
‘गेल्या 40 वर्षांपासून राजकारणात देवाच्या कृपेने माझे चांगले संबंध आहेत. त्यामुळे कुणाला सांगितलं की, दहा कोटी दे, तर तो एका मिनिटात दहा कोटीचा चेक देईल. जामनेर मैं उमेदवार खडे नही बल्की मै खुद खडा हू, यह सोच कर मतदान करे,’ असंही विधान भाजपचे मंत्री गिरीश महाजन यांनी जामनेर इथल्या जाहीर सभेमध्ये केलं. ‘2 तारिक को, किसका मटन नही और किसकी मच्छी नही, सिर्फ कमल का बटन, कमल का बटन दबा के सामनेवाले सभी की डिपॉझिट जप्त करानी है,’ असेही आवाहन मंत्री गिरीश महाजन यांनी म्हटलं आहे.
Discussion about this post