जळगाव । सणासुदीच्या काळात प्रवाशांची होणारी गर्दी आणि गैरसोय टाळण्यासाठी मध्य रेल्वेने जळगाव ते पानिपत दरम्यान एक विशेष रेल्वे चालवण्याचा महत्त्वाचा निर्णय घेतला आहे. या विशेष गाडीमुळे जळगावसह उत्तर महाराष्ट्रातील प्रवाशांना नवी दिल्ली आणि पानिपतपर्यंत जाण्यासाठी एक अतिरिक्त आणि सोयीस्कर पर्याय उपलब्ध झाला आहे.
गाडी क्रमांक ०१०६७ जळगाव ते पानिपत ही विशेष रेल्वे बुधवारी, २१ ऑक्टोबर रोजी सायंकाळी ६ वाजता जळगाव स्थानकातून सुटेल. दुसऱ्या दिवशी गुरुवारी दुपारी ४ वाजता ही गाडी पानिपत स्थानकावर येथे पोहचेल. त्यामुळे जळगाव आणि परिसरातील प्रवाशांना नवी दिल्लीसह पानिपतपर्यंत जाण्यासाठी अतिरिक्त पर्याय उपलब्ध होणार आहे.
परतीच्या प्रवासात गाडी क्रमांक ०१०६८ ही विशेष रेल्वे गुरुवारी, २२ ऑक्टोबर रोजी सायंकाळी ७ वाजता पानिपत येथून सुटेल. ही गाडी दुसऱ्या दिवशी शुक्रवारी दुपारी ४ वाजून ४० मिनिटांनी जळगाव स्थानकावर पोहचेल. या दोन्ही फेऱ्यांमुळे जळगाव ते पानिपत आणि पानिपत ते जळगाव असा प्रवास करणाऱ्या प्रवाशांना अतिरिक्त सुविधा मिळणार आहे.
प्रमुख थांबे
ही विशेष रेल्वे जळगाववरून सुटल्यानंतर भुसावळ, खंडवा, भोपाळ, बिना, आग्रा कॅन्ट, पलवल आणि नवी दिल्ली या प्रमुख स्थानकांवर थांबणार आहे. त्यामुळे जळगावसह भुसावळ आणि मार्गावरील इतर शहरांतील प्रवाशांनाही याचा मोठा फायदा होणार आहे.
या गाडीला एकूण १९ डबे असतील. त्यामध्ये शयनयान श्रेणीचे १० डबे, सामान्य द्वितीय श्रेणीचे सात डबे आणि द्वितीय आसनासह गार्ड ब्रेक व्हॅनचे दोन डबे असतील. या डब्यांच्या व्यवस्थेमुळे विविध श्रेणींमध्ये प्रवास करणाऱ्या प्रवाशांना सुविधा उपलब्ध होणार आहे.
Discussion about this post