जळगाव : शेतीत वारंवार होणारी नापिकी, वाढता कर्जाचा बोजा आणि आर्थिक विवंचना यामुळे एका शेतकऱ्याने जीवन संपविल्याची दुर्दैवी घटना समोर आली आहे. जळगाव तालुक्यातील किनोद येथील शेतकरी ज्ञानेश्वर बाळूशहा सपकाळे (वय ३९) यांनी गळफास घेऊन जीवनयात्रा संपविली या घटनेमुळे परिसरात हळहळ व्यक्त होत आहे.
मिळालेल्या माहितीनुसार, ज्ञानेश्वर सपकाळे यांनी शेतीत नुकसान आणि कर्जाच्या वाढत्या ओझ्यामुळे टोकाचे पाऊल उचलल्याचे वृत्त आहे. त्यांच्या पश्चात दोन मुले आणि पत्नी असा परिवार आहे. कुटुंबातील कर्त्या व्यक्तीच्या निधनामुळे कुटुंबावर दुःखाचा डोंगर कोसळला आहे.
नापिकी आणि कर्जाच्या ओझ्याने शेतकरी हतबल
शेतीत अपेक्षित उत्पन्न मिळत नसताना वाढता खर्च आणि कर्जाची परतफेड यामुळे शेतकऱ्यांसमोर आर्थिक संकट उभे राहत आहे. अशा परिस्थितीत शेतकऱ्यांच्या अडचणी, पीक नुकसान आणि आर्थिक मदतीच्या प्रश्नांकडे गांभीर्याने लक्ष देण्याची गरज पुन्हा एकदा अधोरेखित झाली आहे. या घटनेने शेतकरी कुटुंबांच्या सुरक्षिततेचा आणि त्यांना वेळेवर मदत मिळण्याचा प्रश्न ऐरणीवर आला आहे.
Discussion about this post