नवी दिल्ली । मुख्य निवडणूक आयुक्त (सीईसी) ज्ञानेश कुमार यांच्या विरोधात इंडिया आघाडीच्या खासदारांनी सर्वोच्च न्यायालयाच्या दिशेने मोर्चा काढला. राहुल गांधी यांच्यासह विरोधी पक्षांचे खासदार या मोर्चात सहभागी झाले. कॉन्स्टिट्यूशन क्लबमधून खासदारांना घेऊन जाणाऱ्या बसेस सर्वोच्च न्यायालयाच्या दिशेने रवाना झाल्या. यावेळी परिसरात मोठा पोलीस बंदोबस्त तैनात करण्यात आला होता.
कॉन्स्टिट्यूशन क्लबबाहेर विरोधी पक्षांचे कार्यकर्तेही मोठ्या संख्येने जमले होते. मोर्चादरम्यान खासदारांनी पंतप्रधान नरेंद्र मोदी आणि केंद्रीय गृहमंत्री अमित शाह यांच्या विरोधात जोरदार घोषणाबाजी केली. त्यामुळे परिसरात राजकीय वातावरण तापल्याचे चित्र दिसून आले.
मुख्य निवडणूक आयुक्त ज्ञानेश कुमार यांच्या विरोधात विरोधकांनी हा मोर्चा काढला. निवडणूक प्रक्रियेशी संबंधित मुद्द्यांवरून विरोधी पक्षांनी निवडणूक आयोगाच्या भूमिकेवर प्रश्न उपस्थित केले आहेत. या पार्श्वभूमीवर इंडिया आघाडीच्या खासदारांनी सर्वोच्च न्यायालयाकडे मोर्चा वळवला.
मोर्चाच्या पार्श्वभूमीवर कॉन्स्टिट्यूशन क्लब परिसरात पोलिसांचा मोठा बंदोबस्त ठेवण्यात आला होता. मोर्चात राहुल गांधी यांच्यासह विरोधी पक्षांचे खासदार सहभागी झाल्याने या घडामोडीकडे राजकीय वर्तुळाचे लक्ष लागले आहे.
Discussion about this post