नागपुरच्या केंद्रीय कापूस संशोधन संस्थेत नोकरीची संधी! विविध पदांसाठी थेट मुलाखत

नोकरीच्या शोधात असलेल्या तरुणांसाठी महत्त्वाची बातमी आहे. नागपूर येथील केंद्रीय कापूस संशोधन संस्था (ICAR-CICR) येथे विविध पदांसाठी भरती प्रक्रिया जाहीर करण्यात आली आहे. संस्थेमार्फत ‘यंग प्रोफेशनल’ या पदांच्या एकूण १३ जागा भरल्या जाणार आहेत. विशेष म्हणजे, या भरतीसाठी कोणतेही अर्ज शुल्क आकारले जाणार नसून उमेदवारांची निवड थेट मुलाखतीद्वारे केली जाणार आहे.

रिक्त पदाचा तपशील :
या भरतीमध्ये यंग प्रोफेशनल-II (मॅनेजमेंट/अकाउंट्स) पदाची १ जागा, यंग प्रोफेशनल-II (लीगल) पदाची १ जागा, यंग प्रोफेशनल-I (फायनान्स अँड अकाउंट्स) पदाची १ जागा, यंग प्रोफेशनल-I (सिव्हिल इंजिनिअरिंग) पदाची १ जागा आणि यंग प्रोफेशनल-I (अ‍ॅडमिनिस्ट्रेटिव्ह वर्क) पदाच्या ९ जागांचा समावेश आहे.

शैक्षणिक पात्रता काय?

यंग प्रोफेशनल-II (मॅनेजमेंट/अकाउंट्स) पदासाठी ६० टक्के गुणांसह बी.कॉम, बीबीए किंवा बीबीएस पदवीसोबत CA इंटर, CMA इंटर किंवा CS इंटर अथवा एमबीए पदवी आवश्यक आहे. यासोबत एक वर्षाचा अनुभव असणे गरजेचे आहे.

यंग प्रोफेशनल-II (लीगल) पदासाठी विधी पदवी आणि तीन वर्षांचा अनुभव आवश्यक आहे. यंग प्रोफेशनल-I (फायनान्स अँड अकाउंट्स) पदासाठी ६० टक्के गुणांसह बी.कॉम, बीबीए किंवा बीबीएस पदवी आणि दोन वर्षांचा अनुभव आवश्यक आहे.

यंग प्रोफेशनल-I (सिव्हिल इंजिनिअरिंग) पदासाठी ६० टक्के गुणांसह सिव्हिल इंजिनिअरिंगमधील बीई किंवा बीटेक पदवी आणि एक वर्षाचा अनुभव आवश्यक आहे. तर अ‍ॅडमिनिस्ट्रेटिव्ह वर्क पदासाठी कोणत्याही शाखेतील पदवी आणि एक वर्षाचा अनुभव असणे आवश्यक आहे.

वयोमर्यादा आणि मुलाखतीचा तपशील

या भरतीसाठी ३ नोव्हेंबर २०२६ रोजी उमेदवारांचे वय २१ ते ४५ वर्षांच्या दरम्यान असणे आवश्यक आहे. या पदांसाठी कोणतेही अर्ज शुल्क आकारले जाणार नाही. उमेदवारांना ऑनलाइन अर्ज करण्याची आवश्यकता नसून थेट मुलाखतीला उपस्थित राहावे लागणार आहे.

इच्छुक आणि पात्र उमेदवारांची थेट मुलाखत ३ नोव्हेंबर २०२६ रोजी सकाळी ९.३० ते १०.३० या वेळेत होणार आहे. मुलाखतीचे ठिकाण ICAR-CICR, हॉटेल ले-मेरिडियनजवळ, पांजरी, वर्धा रोड, नागपूर असे आहे.

त्यामुळे पात्रता पूर्ण करणाऱ्या इच्छुक उमेदवारांनी आवश्यक कागदपत्रांसह निर्धारित वेळेत मुलाखतीच्या ठिकाणी उपस्थित राहावे. नागपुरात नोकरी करू इच्छिणाऱ्या तरुणांसाठी ही चांगली संधी ठरू शकते.