बँकिंग क्षेत्रात करिअरची सुवर्णसंधी! IBPS कडून 745 रिक्त पदांसाठी भरती जाहीर, पात्रता तपासून घ्या??

बँकिंग क्षेत्रात सरकारी नोकरी मिळवण्याची इच्छा असलेल्या तरुणांसाठी एक मोठी आणि आनंदाची बातमी आहे. इन्स्टिट्यूट ऑफ बँकिंग पर्सनल सिलेक्शन (IBPS) मार्फत ‘स्पेशलिस्ट ऑफिसर’ (CRP SPL) पदांच्या भरतीसाठी अधिकृत अधिसूचना जारी करण्यात आली आहे. देशभरातील विविध राष्ट्रीयीकृत बँकांमध्ये एकूण 745 रिक्त पदांसाठी ऑनलाइन अर्ज मागविण्यात आले आहेत. इच्छुक आणि पात्र उमेदवारांनी 21 जुलै 2026 पूर्वी ऑनलाइन अर्ज करावा.

पदनिहाय रिक्त जागा
IT ऑफिसर (स्केल-I) – 301
ॲग्रीकल्चरल फील्ड ऑफिसर (स्केल-I) – 190
राजभाषा अधिकारी (स्केल-I) – 89
लॉ ऑफिसर (स्केल-I) – 105
HR/पर्सोनेल ऑफिसर (स्केल-I) – 60
मार्केटिंग ऑफिसर (स्केल-I) –

पात्रता :
संबंधित पदांसाठी अभियांत्रिकी, कृषी, विधी, हिंदीसह पदव्युत्तर पदवी तसेच मानव संसाधन व्यवस्थापन आदी शैक्षणिक पात्रता आवश्यक आहे.

उमेदवारांचे वय 1 जुलै 2026 रोजी 20 ते 30 वर्षे असावे. अनुसूचित जाती, अनुसूचित जमाती, इतर मागासवर्गीय तसेच इतर राखीव प्रवर्गांना शासनाच्या नियमानुसार वयोमर्यादेत सूट देण्यात आली आहे.

सामान्य व ओबीसी प्रवर्गातील उमेदवारांसाठी अर्ज शुल्क 850 रुपये, तर SC/ST आणि PwD प्रवर्गासाठी 175 रुपये निश्चित करण्यात आले आहे. अर्ज प्रक्रिया पूर्णपणे ऑनलाइन पद्धतीने होणार असून निवड झालेल्या उमेदवारांची नियुक्ती देशभरातील विविध बँकांमध्ये केली जाणार आहे.

भरती प्रक्रियेनुसार पूर्व परीक्षा ऑगस्ट 2026 मध्ये, तर मुख्य परीक्षा नोव्हेंबर 2026 मध्ये आयोजित करण्यात येणार आहे. त्यामुळे इच्छुक उमेदवारांनी अंतिम तारखेची वाट न पाहता लवकरात लवकर अर्ज करण्याचे आवाहन करण्यात आले आहे.