मुंबई । राज्य सरकारने विधानसभा निवडणुकीआधी जाहीर केलेल्या मुख्यमंत्री माझी लाडकी बहीण योजनेला प्रचंड प्रतिसाद मिळाला. मात्र यात बाेगस लाभार्थी घुसल्यानंतर या योजनेवर निर्बंध आणण्यात आले असून लाभार्थींना ईकेवायसी बंधनकारक करण्यात आले आहे. १८ नोव्हेंबरपूर्वी सर्व लाभार्थी महिलांना योजनेअंतर्गत केवायसी पूर्ण करायचे आहे. त्यानुसार आता फक्त ८ दिवसात तुम्हाला केवायसी पूर्ण करायचे आहे.
लाडकी बहीण योजनेत लाभार्थी महिलांना केवायसी करणे अनिवार्य आहे. यासाठी दोन महिन्यांची मुदत देण्यात आली होती. त्यातील आता अवघे ८ दिवस उरले आहेत. १८ सप्टेंबरपासून ही केवायसी प्रक्रिया सुरु झाली आहे. या योजनेत केवायसी करण्याची शेवटची तारीख १८ नोव्हेंबर आहे. त्यामुळे लाडक्या बहिणींनी लवकरात लवकर केवायसी करावी अन्यथा या योजनेपासून तुम्हाला वंचित राहावे लागू शकते.
केवायसी कशी करायची?
सर्वात आधी तुम्हाला https://ladakibahin.maharashtra.gov.in या वेबसाइटवर जायचे आहे.
यानंतर ई केवायसी या ऑप्शनवर क्लिक करा.
यानंतर तुम्हाला आधार नंबर टाकायचा आहे. तुमच्या फोनवर ओटीपी येईल.
यानंतर तुमची केवायसी झाली की नाही याची माहिती तुम्हाला मिळेल.
जर तुमची केवायसी झाली नसेल तर तुम्हाला पुढे प्रोसेस करावी लागेल.
यानंत तुम्हाला पती किंवा वडिलांचा आधार नंबर टाकायचा आहे. यानंतर लिंक असलेल्या नंबरवर ओटीपी येईल.
यानंतर तुम्हाला डिक्लेरेशन फॉर्मवर क्लिक करायचे आहे. यानंतर योजनेसंदर्भात काही प्रश्न विचारले जातील, त्याची उत्तरे द्यायची आहेत.
यानंतर तुम्हाला Success – तुमची e-KYC पडताळणी यशस्वीरित्या पूर्ण झाली आहे असा मेसेज येईल.
Discussion about this post