धरणगाव । धरणगावात स्थानिक गुन्हे शाखेसह स्थानिक पोलिसांनी केलेल्या कारवाईत साडेसात किलो गांजा जप्त करण्यात आल्याने खळबळ उडाली. याप्रकरणी एकाला ताब्यात घेत गुन्हा दाखल करण्यात आला.
या संदर्भातील वृत्त असे की, धरणगाव – चोपडा रस्त्यावरील शासकीय आय टी आय जवळ काल दि. ३ डिसेंबर रोजी रात्री ८ वाजेच्या सुमारास सुमारे साडेसात किलोचा गांजा पकडल्याची घटना घडली आहे. ही कारवाई पोलीस अधीक्षक महेश्वर रेड्डी यांच्या मार्गदर्शनाखाली पोलीस निरीक्षक स्थानिक गुन्हे शाखा राहुल गायकवाड यांचे पथक तसेच धरणगाव पोलीस स्थानकाचे पोलीस निरीक्षक सुनील पवार, पोलीस उपनिरीक्षक संतोष पवार, पोलीस हेडकॉन्स्टेबल विष्णू बिऱ्हाडे पोलीस कॉन्स्टेबल दीपक माळी पोलीस कॉन्स्टेबल रवींद्र पाटील, सुधीर चौधरी, संदीप पाटील, किशोर भोई या पथकाने कारवाई केली.
दरम्यान, या कारवाईमध्ये एकाला ताब्यात घेण्यात आले असून या प्रकरणी रात्री उशीरापर्यंत गुन्हा दाखल करण्याची प्रक्रिया सुरू होती. या कारवाईमुळे परिसरात खळबळ उडाली आहे.
Discussion about this post