मुंबई । अजित पवार यांच्या अकाली जाण्यानंतर बारामतीचा राजकीय वारसा कोण पुढे नेणार, याबाबत अनेक तर्कवितर्क सुरू होते. या पार्श्वभूमीवर राष्ट्रवादी काँग्रेसच्या कोअर कमिटीची महत्त्वपूर्ण बैठक पार पडली असून राष्ट्रवादीने अधिकृत उमेदवार निश्चित करत सुनेत्रा पवार यांना मैदानात उतरवण्याचा निर्णय घेतला आहे.
अजित पवार यांच्या निधनानंतर रिक्त झालेल्या बारामती विधानसभा मतदारसंघासाठी पोटनिवडणुकीची प्रक्रिया सुरू झाली आहे. या रिक्त पदांसाठी राष्ट्रवादीने सुनेत्रा पवार यांच्या नावावर एकमताने शिक्कामोर्तब करण्यात आले. पक्षातील वरिष्ठ नेत्यांनी त्यांच्या उमेदवारीला बहुमताने समर्थन दिल्याचे समजते.
१० मार्च रोजी प्रसिद्ध होणाऱ्या प्रारूप मतदार यादीकडे सर्वांचे लक्ष लागले आहे. ही यादी जाहीर झाल्यानंतर केंद्रीय निवडणूक आयोग पोटनिवडणुकीच्या तारखा जाहीर करू शकतो. त्यामुळे मार्च महिन्याच्या उत्तरार्धात निवडणुकीचा औपचारिक बिगुल वाजण्याची शक्यता आहे. उमेदवारी जाहीर होताच बारामतीत राजकीय हालचालींना वेग आला असून प्रचाराची तयारी सुरू झाली आहे.
बिनविरोध निवडणुकीची शक्यता? :
राष्ट्रवादी काँग्रेसकडून ही पोटनिवडणूक बिनविरोध व्हावी, यासाठी प्रयत्न सुरू असल्याची चर्चा आहे. राज्यातील परंपरेनुसार ज्येष्ठ नेत्याच्या निधनानंतर होणाऱ्या पोटनिवडणुकीत अनेकदा सर्वपक्षीय सहमती दिसून येते. अजित पवार यांच्या कार्याचा आणि त्यांच्या सर्वपक्षीय संबंधांचा विचार करून इतर पक्षांनी उमेदवार न देण्याची विनंती केली जाण्याची शक्यता वर्तवली जात आहे.
Discussion about this post