सोने खरेदी करणाऱ्या ग्राहकांना झटका, दरात झाली मोठी वाढ ; काय आहे प्रति तोळ्याचा भाव

मुंबई । सध्या लग्नसराईचा काळ सुरु झाला असून या दिवसांत सोन्या-चांदीला अधिक मागणी असते. दिवाळीच्या काळात सोन्याचे भाव नमले होते परंतु, दिवाळीनंतर पुन्हा एकदा किमतीत तेजी पाहायला मिळाली. आंतरराष्ट्रीय बाजारपेठेत सोन्याच्या भावाने सहा महिन्यांतील उच्चांकी पाताळी काल गाठली.

सोन्याच्या (Gold) भावाने काल बुधवारी उसळी घेतली होती. काल मुंबईच्या सराफ बाजारात २४ कॅरेट सोन्याचा भाव ८२० रुपयांनी वाढून ६३ हजार ३८० रुपयांवर पोहोचला. चांदीच्या भावानेही प्रतिकिलोसाठी ७०० रुपयांनी वाढ नोंदवून ७९ हजार २०० रुपयांची पातळी गाठली होती. अशातच आज पुन्हा सोन्याचा भाव आज पुन्हा घसरला आहे.

आज सोन्याच्या भावात २४ कॅरेटनुसार ६५० रुपयांनी घसरला आहे. गुड रिटर्न्सच्या वेबसाइटसनुसार आज सकाळच्या सत्रात २२ कॅरेटनुसार १ ग्रॅम सोन्यासाठी ५,७६५ रुपये मोजावे लागणार आहे. तसेत २४ कॅरेटनुसार १० ग्रॅमसाठी ६२,८८० रुपये मोजावे लागतील. तसेच चांदीच्या किमतीत (Price) कोणताही बदल झालेला नाही. आज चांदीचे भाव स्थिर पाहायला मिळाले आहेत. आज प्रतिकिलो चांदीसाठी (Silver) ७९,२०० रुपये मोजावे लागतील.

२४ कॅरेटनुसार प्रमुख शहरातील आजचा भाव किती?
मुंबई- ६२,७३० रुपये
पुणे – ६२,७३० रुपये
नागपूर – ६२,७३० रुपये
नाशिक – ६२,७६० रुपये
ठाणे – ६२,७३० रुपये
अमरावती – ६२,७३० रुपये