शहडोल | देशातील विविध भागात वाळू माफियांची गुंडगिरी पाहायला मिळत आहे. अशातच मध्य प्रदेशातील शहडोलमध्ये वाळू माफियांचा भयानक चेहरा समोर आला आहे. वाळू माफियांनी पटवारीला ट्रॅक्टरने चिरडले. यात पटवारीचा जागीच मृत्यू झाला. प्रसन्न सिंह असं मृत पटवारीचे नाव असून
मीडिया रिपोर्ट्सनुसार, रीवा जिल्ह्यातील रहिवासी असलेले ४५ वर्षीय प्रसन्न सिंह हे बेओहारी येथे पटवारी म्हणून तैनात होते.गेल्या तीन दिवसांपासून सोन नदीतील अवैध वाळू उत्खननाविरोधात प्रशासनाची मोहीम सुरू होती. अनेक ट्रॅक्टरही प्रशासनाने जप्त केले आहेत. शनिवारीही अवैध उत्खनन होत असल्याची माहिती पटवारींना मिळाली होती.
पटवारी त्यांच्या पथकासह घटनास्थळी पोहोचले. यावेळी घटनास्थळावरून मोठ्या प्रमाणात अवैध वाळू उत्खनन होत असल्याचे पटवारी यांच्या निदर्शनास आले. या कामात शेकडो ट्रॅक्टर लागले आहेत. पटवारी प्रसन्न सिंग यांनी ट्रॅक्टर थांबवण्याचा प्रयत्न केला. मात्र ट्रॅक्टर चालक त्यांना चिरडून पळून गेला. या घटनेनंतर पोलीस प्रशासनाने परिसरात तळ ठोकला आहे. पोलिसांनी आरोपी ट्रॅक्टर चालकाला मैहर जिल्ह्यातून अटक केली आहे.
शुभम विश्वकर्मा आणि ट्रॅक्टर मालक प्रशांत सिंग हे मैहर जिल्ह्यातील रहिवासी आहेत. पोलिसांनी दोन्ही आरोपींविरुद्ध खुनाचा गुन्हा दाखल करून तपास सुरू केला आहे. आरोपींवर 30 हजार रुपयांचे बक्षीसही जाहीर करण्यात आल्याचे एसपी म्हणाले.
Discussion about this post