मुंबई । बॉलिवूड आणि दक्षिणेतील प्रसिद्ध अभिनेत्री उर्वशी रौतेला ही अहमदाबादच्या नरेंद्र मोदी स्टेडियममध्ये भारत-पाकिस्तान सामना पाहायला गेली होती. परंतु येथील स्टेडियममध्ये तिचा 24 कॅरेट सोन्याचा आयफोन हरवला. उर्वशीच्या म्हणण्यानुसार, आता चोराने तिच्याशी ईमेलद्वारे संपर्क साधला आहे. अभिनेत्रीचा फोन परत करण्याच्या बदल्यात चोराने एक अट ठेवली आहे.
उर्वशी रौतेलाने ट्विटरवर तिचा फोन हरवल्याची अपडेट दिली आहे. तिने उर्वशी रौतेला हीने सांगितले की चोराने एक ईमेल पाठवला आहे. तसेच तिच्या 24 कॅरेट सोन्याच्या आयफोनच्या बदल्यात एक अट घातली आहे. ई-मेलमध्ये, फोन चोराने सांगितले आहे की त्याने उर्वशी रौतेलाचा फोन चोरला आहे, परंतु जेव्हा उर्वशी आयफोन चोराच्या भावाच्या कर्करोगावर उपचार करेल तेव्हाच तो तिला फोन परत करेल.
हा मेल ग्रोव ट्रेडर्सच्या नावाने अभिनेत्रीला आला आहे, ज्याचा स्क्रीनशॉट शेअर करताना उर्वशीने चोराचे म्हणणे मान्य केले आहे. त्याने थम्ब्स-अप दिले आणि उपचार घेण्यास होकार दिला. फोन परत मिळवण्यासाठी अभिनेत्री चोराला मदत करेल. उर्वशीसोबत घडलेल्या या घटनेवर चाहते वेगवेगळ्या प्रतिक्रिया देत आहेत. काही लोकांनी अभिनेत्रीच्या उदारतेची प्रशंसा केली आहे, तर बहुतेक लोक नेहमीप्रमाणे उर्वशीला ट्रोल करत आहेत.
आयफोन चोरीला गेल्यानंतर उर्वशीने पोलिसांत तक्रार का दाखल केली नाही, असा सवाल युजर्स करत आहेत. ही माहिती तिने सोशल मीडियावरच दिली होती. याशिवाय हा वाद उर्वशीचा पब्लिसिटी स्टंट असल्याचेही मानले जात आहे.
वर्क फ्रंटबद्दल बोलायचे झाले तर उर्वशी रौतेला नुकतीच ‘बिग बॉस ओटीटी 2’ विजेता एल्विश यादवच्या एका गाण्यात दिसली होती. ओटीटीवरील ‘इन्स्पेक्टर अविनाश’ या वेबसिरीजमध्ये रणदीप हुड्डासोबत ही अभिनेत्री दिसली होती.
Discussion about this post