नोव्हेंबरमध्ये बँकांना सुट्ट्यांचा भडिमार! बँकेत जाण्यापूर्वी सुट्ट्यांची यादी वाचून घ्या..

मुंबई : नोव्हेंबर महिन्यात बँकेशी संबंधित महत्त्वाचे काम करण्याचा विचार करत असाल, तर ही बातमी तुमच्यासाठी महत्त्वाची आहे. भारतीय रिझर्व्ह बँकेच्या (RBI) सुट्ट्यांच्या कॅलेंडरनुसार, नोव्हेंबरमध्ये विविध सण आणि साप्ताहिक सुट्ट्यांमुळे अनेक राज्यांमध्ये बँका बंद राहणार आहेत. महाराष्ट्रातही या महिन्यात बँकांना अनेक दिवस सुट्टी असेल. त्यामुळे चेक जमा करणे, पैसे काढणे, बँकेतील कागदपत्रांची पूर्तता करणे किंवा इतर महत्त्वाची कामे करण्यापूर्वी सुट्ट्यांचे वेळापत्रक तपासणे आवश्यक आहे.

नोव्हेंबरमध्ये बँका किती दिवस बंद राहणार?

नोव्हेंबर महिन्यात विविध सणांनिमित्त देशातील वेगवेगळ्या राज्यांमध्ये बँकांना सुट्ट्या असतील. दिवाळी, गोवर्धन पूजा, भाऊबीज, छठ पूजा, गुरुनानक जयंती आणि इतर स्थानिक सणांमुळे बँकांचे कामकाज बंद राहणार आहे. मात्र, या सर्व सुट्ट्या देशभरात एकाच वेळी लागू होणार नाहीत. संबंधित राज्यातील सण आणि स्थानिक नियमांनुसार बँकांच्या सुट्ट्यांमध्ये फरक असेल.

कोणत्या दिवशी बँक बंद राहणार?

2 नोव्हेंबर – नोंगक्रेम नृत्यामुळे मेघालयामध्ये बँका बंद राहतील.
9 नोव्हेंबर – त्रिपुरा, मध्य प्रदेश, चंदीगड, सिक्कीम, मणिपूर, राजस्थान आणि उत्तर प्रदेशमध्ये दिवाळी, लक्ष्मी पूजा, गोवर्धन पूजा आणि विश्वकर्मा दिनानिमित्त बँका बंद राहतील.
10 नोव्हेंबर – गुजरात, महाराष्ट्र, कर्नाटक, उत्तराखंड आणि सिक्कीममध्ये दिवाळी (बली प्रतिपदा), गोवर्धन पूजा, लक्ष्मी पूजा आणि विक्रम संवत नवीन वर्षामुळे बँका बंद राहतील.
11 नोव्हेंबर – सिक्कीम, मणिपूर, उत्तर प्रदेश, पश्चिम बंगाल आणि हिमाचल प्रदेशमध्ये लक्ष्मी पूजा, निंगोल चक्कूबा, भाऊबीज आणि चित्रगुप्त जयंतीच्या निमित्ताने बँका बंद राहतील.
13 नोव्हेंबर – मेघालयमध्ये वंगाळा सणामुळे बँकिंग कामकाज स्थगित केले जाईल.
16 नोव्हेंबर – छठ पूजा आणि सूर्य षष्ठीला अर्घ्याच्या पहिल्या अर्पणानिमित्त बिहार आणि झारखंडमध्ये बँका बंद राहतील.
20 नोव्हेंबर – इगास-बागवाल निमित्त उत्तराखंडमध्ये बँका बंद राहतील.
23 नोव्हेंबर – सेंग कुट स्नेम उत्सवानिमित्त मेघालयामध्ये बँका बंद राहतील.
24 नोव्हेंबर – गुरु नानक जयंती, कार्तिक पौर्णिमा आणि रहास पौर्णिमा निमित्त मिझोराम, महाराष्ट्र, मध्य प्रदेश, ओडिशा, चंदीगड, उत्तराखंड, तेलंगणा, अरुणाचल प्रदेश, राजस्थान, जम्मू, नागालँड, पश्चिम बंगाल, उत्तर प्रदेश, दिल्ली, छत्तीसगड, झारखंड, हिमाचल प्रदेश आणि श्रीनगरमध्ये बँका बंद राहतील.
27 नोव्हेंबर – कनकदास जयंतीनिमित्त कर्नाटकमध्ये बँका बंद राहतील.

या व्यतिरिक्त या महिन्यात 5 रविवार आणि 2 शनिवार असे एकूण सात दिवस फक्त वीकेंडमुळे बँका बंद राहतील. महाराष्ट्रात एकूण नऊ दिवस बँका बंद राहणार आहेत. 1 नोव्हेंबर रविवार साप्ताहिक सुट्टी, 8 नोव्हेंबर रविवार साप्ताहिक सुट्टी, 10 नोव्हेंबर दिवाळी पाडवा, 14 नोव्हेंबर दुसरा शनिवार, 15 नोव्हेंबर रविवार साप्ताहिक सुट्टी, 22 नोव्हेंबर रविवार साप्ताहिक सुट्टी, 24 नोव्हेंबर गुरुनानक जयंती, 28 नोव्हेंबर चौथा शनिवार, 29 नोव्हेंबर रविवार साप्ताहिक सुट्टी