पदवी पास आहात? पंजाब नॅशनल बँकेत तब्बल 545 जागांसाठी भरती

बँकिंग क्षेत्रात करिअर करू इच्छिणाऱ्या तरुणांसाठी पंजाब नॅशनल बँकेने (PNB) मोठी संधी उपलब्ध करून दिली आहे. बँकेने लोकल बँक ऑफिसर (LBO) पदांच्या ५४५ रिक्त जागांसाठी भरती जाहीर केली असून, यामध्ये महाराष्ट्रातील पात्र उमेदवारांसाठी ६७ जागांवर भरती केली जाणार आहे. लक्ष्यात असू द्या अर्ज करण्याची अंतिम दिनांक १६ ऑगस्ट २०२६ पर्यंत आहे. त्यापूर्वी इच्छुकांनी ऑनलाईन पद्धतीने अर्ज करावी.

महाराष्ट्रातील जागांचे प्रवर्गनिहाय आरक्षण
अनुसूचित जाती (SC): १२ जागा
अनुसूचित जमाती (ST): १० जागा
इतर मागासवर्गीय (OBC): ७ जागा
आर्थिकदृष्ट्या दुर्बल घटक (EWS): १४ जागा
खुला प्रवर्ग (UR): २४ जागा
दिव्यांग उमेदवार (PwBD): ५ जागा

पात्रता आणि अटी
शैक्षणिक पात्रता: उमेदवाराकडे कोणत्याही मान्यताप्राप्त विद्यापीठाची पदवी (कोणतीही शाखा) असणे आवश्यक आहे. कोणत्याही अनुसूचित व्यावसायिक बँकेत किंवा प्रादेशिक ग्रामीण बँकेत किमान १ वर्षाचा लिपिक किंवा अधिकारी म्हणून कामाचा अनुभव असणे आवश्यक आहे.

वयोमर्यादा: अर्जदाराचे वय १ जुलै २०२६ रोजी २० ते ३० वर्षांच्या दरम्यान असावे. सरकारी नियमांनुसार आरक्षित प्रवर्गातील उमेदवारांना वयात सवलत मिळेल.

भाषेचे ज्ञान: महाराष्ट्रातून अर्ज करणाऱ्या उमेदवारांना मराठी भाषा वाचता, लिहिता आणि बोलता येणे अनिवार्य आहे. दहावी किंवा बारावीत मराठी विषय नसेल, त्यांना स्थानिक भाषा प्राविण्य परीक्षा (LLPT) द्यावी लागेल.

निवड प्रक्रिया
उमेदवारांची निवड खालील टप्प्यांच्या आधारे केली जाईल:
ऑनलाइन लेखी परीक्षा
कागदपत्र पडताळणी
स्थानिक भाषा प्राविण्य परीक्षा (आवश्यकतेनुसार)
वैयक्तिक मुलाखत

अर्ज शुल्क
SC / ST / PwBD उमेदवार: ५९ रुपये (GST सह)
इतर सर्व प्रवर्ग: १,१८० रुपये

निवड झालेल्या उमेदवारांना ₹४८,४८० ते ₹८५,९२० या वेतनश्रेणीसह महागाई भत्ता, घरभाडे भत्ता, वैद्यकीय सुविधा आणि इतर भत्ते मिळणार आहेत. सर्व भत्ते मिळून मासिक पगार १ लाखांपेक्षा जास्त होऊ शकतो.