कोकण रेल्वेत विविध पदांसाठी मोठी भरती जाहीर करण्यात आली असून तब्बल 201 पदे भरली जाणार आहेत. यामध्ये ज्युनियर इंजिनिअर, ट्रॅक मेंटेनर, स्टेशन मास्टर, असिस्टंट लोको पायलट, गुड्स ट्रेन मॅनेजर, टेक्निशियनसह विविध पदांचा समावेश आहे. या भरतीसाठी 10वी उत्तीर्ण उमेदवारांपासून ते इंजिनिअरिंग पदवीधारकांपर्यंतच्या उमेदवारांना अर्ज करता येणार आहे.
या भरतीमध्ये ज्युनियर इंजिनिअर (Civil) 25, ट्रॅक मेंटेनर 57, सिनियर सेक्शन इंजिनिअर (S&T) 5, ESTM-III 15, सेक्शन कंट्रोलर 9, स्टेशन मास्टर 15, गुड्स ट्रेन मॅनेजर 10, असिस्टंट लोको पायलट 30, सिनियर सेक्शन इंजिनिअर (Mechanical) 6, ज्युनियर इंजिनिअर (Mechanical) 7, टेक्निशियन-III (Mechanical) 15 आणि कमर्शियल सुपरवायझर 7 अशा एकूण 201 जागांचा समावेश आहे.
शैक्षणिक पात्रता
पदानुसार शैक्षणिक पात्रता वेगवेगळी आहे. ट्रॅक मेंटेनर पदासाठी 10वी उत्तीर्ण उमेदवार पात्र आहेत. ज्युनियर इंजिनिअर पदासाठी संबंधित शाखेतील डिप्लोमा किंवा पदवी, तर सिनियर सेक्शन इंजिनिअर पदासाठी संबंधित अभियांत्रिकी शाखेतील पदवी आवश्यक आहे.
स्टेशन मास्टर, सेक्शन कंट्रोलर, गुड्स ट्रेन मॅनेजर आणि कमर्शियल सुपरवायझर या पदांसाठी कोणत्याही शाखेतील पदवी असलेले उमेदवार अर्ज करू शकतात. असिस्टंट लोको पायलट आणि टेक्निशियन पदांसाठी 10वीसोबत संबंधित ट्रेडमधील NCVT/SCVT प्रमाणपत्र किंवा समतुल्य पात्रता आवश्यक आहे.
वयोमर्यादा
1 ऑगस्ट 2026 रोजी उमेदवाराचे वय विचारात घेतले जाणार आहे. ट्रॅक मेंटेनर पदासाठी वयोमर्यादा 18 ते 45 वर्षे, तर उर्वरित पदांसाठी 18 ते 36 वर्षे आहे. SC/ST उमेदवारांना 5 वर्षे, तर OBC उमेदवारांना 3 वर्षांची वयात सूट लागू आहे.
अर्ज शुल्क
UR/OBC (NCL)/EWS प्रवर्गातील उमेदवारांसाठी अर्ज शुल्क ₹1,180 आहे. SC/ST, माजी सैनिक, दिव्यांग, महिला, EBC आणि अल्पसंख्याक उमेदवारांनी CBT परीक्षेला उपस्थित राहिल्यास बँक शुल्क वजा करून शुल्क परत केले जाणार आहे.
नोकरीचे ठिकाण
निवड झालेल्या उमेदवारांना कोकण रेल्वे येथे नियुक्ती मिळणार आहे.
महत्त्वाची तारीख
या भरतीसाठी ऑनलाइन अर्ज करण्याची अंतिम तारीख अद्याप जाहीर झालेली नाही. अर्ज प्रक्रिया सुरू झाल्यानंतर उमेदवारांनी अधिकृत जाहिरात आणि अर्जाच्या तारखांची माहिती तपासून अर्ज करावा.
Discussion about this post