मुंबई । शैक्षणिक वर्ष सुरू होऊन दोन महिने पूर्ण होत असताना आता शाळांमध्ये पहिल्या सत्र परीक्षेची तयारी सुरू झाली आहे. अशातच विद्यार्थ्यांसाठी एक आनंदाची बातमी समोर आली आहे. ऑगस्ट महिन्यात शनिवार-रविवारच्या नियमित सुट्ट्यांसह राष्ट्रीय आणि धार्मिक सण आल्यामुळे विद्यार्थ्यांना भरपूर सुट्ट्यांचा आनंद घेता येणार आहे. अनेक शाळांमध्ये या महिन्यात तब्बल १२ दिवसांपर्यंत सुट्ट्या मिळण्याची शक्यता आहे.
शनिवार आणि रविवारच्या साप्ताहिक सुट्ट्यांसोबतच १५ ऑगस्टचा स्वातंत्र्यदिन, २६ ऑगस्टचा ईद-ए-मिलाद आणि २८ ऑगस्टचा रक्षाबंधन हे सण आल्याने विद्यार्थ्यांना अभ्यासातून काहीसा विरंगुळा मिळणार आहे. विशेषतः महिन्याच्या शेवटी येणाऱ्या सुट्ट्यांमुळे विद्यार्थ्यांना सलग सुट्ट्यांचा आनंद लुटता येणार आहे.
ऑगस्टमधील संभाव्य सुट्ट्या
१ ऑगस्ट – शनिवार
२ ऑगस्ट – रविवार
८ ऑगस्ट – शनिवार
९ ऑगस्ट – रविवार
१५ ऑगस्ट – शनिवार (स्वातंत्र्यदिन)
१६ ऑगस्ट – रविवार
२२ ऑगस्ट – शनिवार
२३ ऑगस्ट – रविवार
२६ ऑगस्ट – ईद-ए-मिलाद
२८ ऑगस्ट – रक्षाबंधन
२९ ऑगस्ट – शनिवार
३० ऑगस्ट – रविवार
विशेष म्हणजे २८ ऑगस्ट (रक्षाबंधन), २९ ऑगस्ट (शनिवार) आणि ३० ऑगस्ट (रविवार) या सुट्ट्यांमुळे विद्यार्थ्यांना सलग तीन दिवसांचा ‘लाँग वीकेंड’ मिळण्याची शक्यता आहे.
तथापि, सुट्ट्यांचे स्वरूप प्रत्येक राज्य आणि शाळेनुसार वेगळे असू शकते. काही शाळांमध्ये केवळ रविवारचीच साप्ताहिक सुट्टी असते. तसेच १५ ऑगस्ट रोजी ध्वजारोहण आणि सांस्कृतिक कार्यक्रमांमुळे विद्यार्थ्यांना काही वेळ शाळेत उपस्थित राहावे लागू शकते.
पालकांनी सोशल मीडियावर व्हायरल होणाऱ्या सुट्ट्यांच्या याद्यांवर विश्वास न ठेवता, आपल्या पाल्याच्या शाळेचे अधिकृत शैक्षणिक कॅलेंडर तपासूनच सुट्ट्यांचे नियोजन करावे, असे आवाहन करण्यात आले आहे.
Discussion about this post