रेल्वेत सरकारी नोकरीची मोठी संधी! तब्बल १११२७ पदांसाठी मेगाभरती सुरु, असा करा अर्ज?

रेल्वे विभागात नोकरी करण्याचे स्वप्न पाहणाऱ्या देशातील आणि राज्यातील तरुण-तरुणींसाठी एक अत्यंत आनंदाची आणि सुवर्णसंधी समोर आली आहे. रेल्वे रिक्रूटमेंट बोर्डाने (RRB) ‘असिस्टंट लोको पायलट’ (ALP) पदांसाठी भव्य नोकरीची अधिसूचना जारी केली असून एकूण ११,१२७ पदांसाठी ही मेगा भरती होणार आहे.

या भरतीसाठीची ऑनलाईन अर्ज प्रक्रिया १५ मे २०२६ पासून सुरू झाली आहे.या नोकरीसाठी अर्ज करण्याची शेवटची तारीख १४ जून २०२६ आहे. त्यामुळे इच्छुकांनी या कालावधीत अर्ज करायचा आहे.

पात्रता काय?

रेल्वे एएलपी भरती २०२६ साठी अर्ज करणाऱ्या उमेदवारांनी मान्यताप्राप्त विद्यापीठातून १०वी पास असणे गरजेचे असावे. याचसोबत आयटीआय पास असणे अनिवार्य आहे. या नोकरीसाठी इंजिनियरिंगमध्ये डिप्लोमा केलेला असावा. इंजिनियरिंग पदवीप्राप्त उमेदवारदेखील या नोकरीसाठी अर्ज करु शकतात.

रेल्वेतील या नोकरीसाठी १८ ते ३० वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे. त्यामुळे अर्ज करण्याआधी तुम्ही अधिसूचना वाचा.

रेल्वेत असिस्टंट लोको पायलट पदासाठी अर्ज करणाऱ्या उमेदवारांनी ५०० रुपये शुल्क भरायचा आहे. राखीव प्रवर्गातील उमेदवारांनी २५० रुपये शुल्क भरायचे आहे. या नोकरीसाठी ऑनलाइन पद्धतीने अर्ज करायचा आहे.

विविध रेल्वे विभागात ही भरती केली जाणार आहे. मध्य रेल्वेत १४०० पदांसाठी भरती केली जाणार आहे. पूर्व मध्य रेल्वेत ७००, पूर्व तटीय रेल्वेत १६२ पदांसाठी भरती केली जाणार आहे. संपूर्ण देशात वेगवेगळ्या रेल्वे झोनमझध्ये भरती केली जाणार आहे.

कशी होणार निवड?

उमेदवारांची निवड थेट मुलाखतीद्वारे होणार नसून, त्यांना खालील टप्प्यांमधून जावे लागेल:

१. CBT – 1: पहिली कॉम्प्युटर बेस्ड टेस्ट (संगणकावर आधारित परीक्षा)

२. CBT – 2: पहिली परीक्षा उत्तीर्ण झालेल्यांसाठी दुसरी मुख्य परीक्षा.

३. कागदपत्र पडताळणी: शैक्षणिक व इतर प्रमाणपत्रांची तपासणी (Document Verification).

४. वैद्यकीय चाचणी: रेल्वेच्या निकषांनुसार मेडिकल टेस्ट.

या सर्व टप्प्यांमध्ये यशस्वी ठरणाऱ्या उमेदवारांची अंतिम गुणवत्ता यादी (Final Merit List) प्रसिद्ध केली जाईल.

अर्ज कसा करावा?

सर्वप्रथम, अधिकृत वेबसाइटला भेट द्या.

होमपेजवरील “RRB ALP Recruitment 2026” या लिंकवर क्लिक करा.

जर तुम्ही नवीन नोंदणी करत असाल, तर “नवीन नोंदणी” (New Registration) वर क्लिक करा आणि तुमचे नाव, मोबाईल नंबर आणि ईमेल ॲड्रेस प्रविष्ट करा.

नोंदणीनंतर तुम्हाला एक लॉगिन आयडी आणि पासवर्ड मिळेल.

लॉगिन केल्यानंतर, अर्ज काळजीपूर्वक भरा.

आवश्यक कागदपत्रे, फोटो आणि सही अपलोड करा.

तुमच्या प्रवर्गानुसार अर्ज शुल्क ऑनलाइन भरा.

अर्ज पूर्णपणे तपासल्यानंतर, अंतिम सबमिशन करा.