मुंबई । नारी शक्ती वंदन विधेयक संसदेत नामंजूर झाल्याने देशातील राजकीय वातावरण चांगलेच तापले आहे. या मुद्द्यावरून आता शिवसेना (उद्धव बाळासाहेब ठाकरे) गटाचे नेते खासदार संजय राऊत यांनी केंद्र सरकारवर गंभीर आरोप करत नवा बॉम्ब टाकला आहे. “ज्याला तुम्ही महिला आरक्षण विधेयक म्हणताय, ते मुळात महिलांसाठी नव्हतेच, तर तो मतदारसंघ तोडफोड करण्याचा घाट होता,” असा खळबळजनक दावा राऊत यांनी केला आहे.
मुंबईत आयोजित पत्रकार परिषदेत बोलताना संजय राऊत यांनी सत्ताधाऱ्यांवर कडाडून टीका केली. ते म्हणाले, “संवैधानिक पदावर बसलेल्या व्यक्तींनी देशाला खरे सांगणे अपेक्षित आहे. पंतप्रधान आणि मुख्यमंत्र्यांनी खोटे बोलून जनतेची दिशाभूल करू नये. ज्या विधेयकाचा ढोल वाजवला गेला, त्यामागे मतदारसंघांची पुनर्रचना (Delimitation) करण्याचा छुपा अजेंडा होता.”
विधेयक नामंजूर झाल्यावरून सत्ताधाऱ्यांकडून होत असलेल्या टीकेला उत्तर देताना राऊत यांनी **’भ्रूणहत्ये’**चा उल्लेख करत मुख्यमंत्र्यांवर पलटवार केला. “महाराष्ट्रात भ्रूणहत्येवर बंदी आहे, हे मुख्यमंत्री विसरले का? मग आता कसल्या भ्रूणहत्येच्या गप्पा मारताय?” असा जळजळीत सवाल त्यांनी विचारला.
Discussion about this post