प्रवाशांना दिलासा! भुसावळ मार्गे पुणे- दानापूर दरम्यान दररोज विशेष ट्रेन धावणार

भुसावळ । उन्हाळी सुट्ट्यांमध्ये अनेक जण फिरण्याचा किंवा गावी जाण्याचा प्लॅन करतात. यामुळे रेल्वे गाड्यांमध्ये गर्दी दिसून येते. प्रवाशांची गर्दी लक्ष्यात घेऊन मध्य रेल्वेनं एक महत्वाचा निर्णय घेतला. रेल्वेनं पुणे ते दानापूर दरम्यान दररोज विशेष रेल्वेगाडी चालवण्याची घोषणा करण्यात आली आहे. या निर्णयामुळे महाराष्ट्र आणि बिहारदरम्यान प्रवास करणाऱ्या हजारो प्रवाशांना मोठा दिलासा मिळणार आहे. विशेष या गाडीला
रेल्वे अधिकाऱ्यांनी दिलेल्या माहितीनुसार, गाडी क्रमांक 01449 पुणे- दानापूर विशेष गाडी 10 मार्च ते 31 मार्च या कालावधीत दररोज दुपारी 15:30 वाजता पुणे रेल्वे स्थानकावरून सुटेल आणि तिसऱ्या दिवशी पहाटे 02:45 वाजता दानापूरला पोहोचेल. तर परतीच्या प्रवासात गाडी क्रमांक 01450 दानापूर- पुणे विशेष गाडी 12 मार्च ते 2 एप्रिल या कालावधीत सकाळी 05:00 वाजता दानापूरहून सुटेल आणि दुसऱ्या दिवशी सायंकाळी 18:15 वाजता पुणे रेल्वे स्थानकात दाखल होईल.

या विशेष सेवेअंतर्गत एकूण 44 फेऱ्या होणार आहेत, ज्यामध्ये प्रत्येक दिशेने 22 फेऱ्यांचा समावेश असेल. त्यामुळे या मार्गावर तिकीटांची उपलब्धता वाढेल आणि प्रतीक्षा यादीवरील ताण काही प्रमाणात कमी होईल. जास्तीच्या गाड्या असल्याने प्रवाशांची गर्दी होणार नाही आणि लोकांना आरामदायी प्रवास करता येईल.

प्रवासादरम्यान ही विशेष गाडी अनेक प्रमुख स्थानकांवर थांबणार आहे. त्यामध्ये दौंड कॉर्ड केबिन, अहिल्यानगर, कोपरगाव, मनमाड, भुसावळ, इटारसी, जबलपूर, कटनी, सतना, माणिकपूर, प्रयागराज छिवकी, पं. दीनदयाल उपाध्याय जंक्शन, बक्सर आणि आरा या स्थानकांचा समावेश आहे.

प्रवाशांच्या विविध गरजा लक्षात घेऊन या विशेष गाडीत विविध श्रेणींचे डबे ठेवण्यात आले आहेत. त्यामध्ये, 1 AC 2-Tier (वातानुकूलित दोन मजली) डबा, 5 AC 3-Tier (वातानुकूलित तीन मजली) डबे, 6 स्लीपर क्लास डबे, 4 सामान्य द्वितीय श्रेणी (जनरल) डबे, 2 गार्ड ब्रेक व्हॅन व सामान डबे अशा प्रकारे एकूण कोच संरचना तयार करण्यात आली आहे, ज्यामुळे विविध बजेट आणि सोयींनुसार प्रवाशांना पर्याय उपलब्ध होतील.

या विशेष ट्रेनसाठी तिकीट बुकिंग सर्व संगणकीकृत आरक्षण केंद्रांवर तसेच IRCTC च्या अधिकृत संकेतस्थळ आणि IRCTC Rail Connect अॅपद्वारे सुरू करण्यात आले आहे. महाराष्ट्रातून बिहार आणि उत्तर भारतात काम करणाऱ्या मोठ्या प्रमाणातील कामगार, विद्यार्थी आणि कुटुंबीयांसाठी ही विशेष गाडी अत्यंत उपयुक्त ठरणार आहे