सावित्रीबाई फुले पुणे विद्यापीठात प्राध्यापक पदांच्या १११ जागांसाठी भरती

सावित्रीबाई फुले पुणे विद्यापीठातील विविध शैक्षणिक विभागांमधील शासनमान्य प्राध्यापक, सहयोगी प्राध्यापक, सहायक प्राध्यापक या संवर्गातील रिक्त एकूण १११ शिक्षकी पदांच्या भरतीकरीता पुन्हा एकदा मुदतवाढ दिली आहे. या भरतीसाठी आता अर्ज करण्याची मुदत गुरुवार, दिनांक २६ फेब्रुवारी, २०२६ ते गुरुवार, दिनांक १२ मार्च, २०२६ पर्यंत देण्यात येत आहे.

तसेच ऑनलाईन पध्दतीने अर्ज केलेल्या उमेदवारांना अर्जाची प्रत व संबधित कागदपत्रे प्रशासन शिक्षक कक्षाकडे सादर करण्यासाठी बुधवार, दिनांक १८ मार्च, २०२६ सायंकाळी ६.०० वाजेपर्यंत मुदत देण्यात येत आहे.

विद्यापीठाने या पूर्वी डिसेंबर २०२३, सप्टेंबर २०२४ अशी दोनवेळा जाहिरात प्रसिद्ध केली होती. मात्र, वेगवेगळ्या कारणांनी ती भरती प्रक्रिया रखडली होती. दरम्यान आता पुन्हा एकदा मुदतवाढ देण्यात आली आहे.  आता नव्याने प्रक्रिया राबवण्यासाठी विद्यापीठाकडून नव्याने जाहिरात प्रसिद्ध करण्यात आली आहे.