खुशखबर! कोकण रेल्वेत नोकरीची संधी अर्ज कसा करावा?

रेल्वेत नोकरी करण्याची सुवर्णसंधी तुमच्याकडे आहे. कोकण रेल्वेत ट्रेनी अप्रेंटिस पदासाठी भरती जाहीर करण्यात आली असून यासाठी पात्र उमेदवारांकडून अर्ज मागिवले जात आहे. इच्छुक उमेदवारांनी konkanrailway.com वेबसाइटवर जाऊन ऑनलाईन अर्ज करायचा आहे.

एकूण १९० रिक्त जागा आहेत. या नोकरीसाठी भरतीप्रक्रिया सुरु झाली आहे. या नोकरीसाठी अर्ज करण्याची शेवटची तारीख २० मार्च २०२६ आहे. त्यामुळे तोपर्यंत तुम्हाला ऑनलाइन पद्धतीने अर्ज करायचा आहे.

पात्रता
कोकण रेल्वेतील नोकरीसाठी अर्ज करणाऱ्या उमेदवारांनी मान्यताप्राप्त विद्यापीठातून ग्रॅज्युएशन करायचे आहे. इंजिनियरिंग डिग्री, डिप्लोमा केलेले उमेदवारदेखील अर्ज करु शकतात. या नोकरीसाठी १८ ते २५ वयोगटातील उमेदवार अर्ज करु शकतात. या नोकरीसाठी राखीव प्रवर्गातील उमेदवारांना वयोमर्यादेत सूट देण्यात आली आहे.

या नोकरीसाठी अर्ज करताना उमेदवारांना १०० रुपये फी भरायची आहे. सिविल इंजिनियरसाठी ३० जागा रिक्त आहे. इलेक्ट्रिकल इंजिनियरिंगसाठी २० तर इलेक्ट्रॉनिक्स इंजिनियरिंगसाठी १० जागा रिक्त आहेत. मेकॅनिकल इंजिनियरिंगसाठी २० जागा रिक्त आहेत.उर्वरित जागा या डिप्लोमाधारकांसाठी आहे. त्यामुळे पात्रतेनुसार तुम्हाला अर्ज करायचा आहे.या नोकरीसाठी उमेदवारांची निवड शॉर्टलिस्टिंग आणि कागदपत्र पडताळणीद्वारे होणार आहे.