मुक्ताईनगर । जळगाव जिल्ह्यातील मुक्ताईनगर तहसील कार्यालयाचे अव्वल कारकून कैलास पाटील यांना शपथपत्रासाठी सही व शिक्क्याच्या बदल्यात पैसे घेत असल्याचा व्हिडीओ व्हायरल झालाय. गोरगरीब जनतेकडून पैसे घेणाऱ्या भ्रष्ट कारकूनवर कारवाई व्हावी, अशी मागणी होत आहे.
यापूर्वी देखील मुक्ताईनगर तहसील कार्यालयामधून श्रावणबाळ, संजय गांधी योजनेसह विद्यार्थ्यांना शाळेसाठी लागणारे कागदपत्रे व इतर शासकीय कामांच्या शपथपत्रांसाठी नागरिकांकडून पैसे उकळले जात असल्याची तक्रार वारंवार करण्यात येते. मात्र, अधिकारी त्या प्रकाराकडे सोयीस्कररित्या दुर्लक्ष करत असल्याने संबंधित कर्मचाऱ्यांना गैरमार्गाने पैसे कमविण्याचे प्रोत्साहनच मिळते. अशाच एका अव्वल कारकुनाने महिलेकडून पाच-सहा दिवसांपूर्वी शपथपत्रावरील स्वाक्षरी व शिक्क्यासाठी रोख रक्कम स्वीकारल्याची चित्रफित सध्या समाज माध्यमावर प्रसारित झाली आहे. पुढारीने त्यांच्या ट्विटवर या कारकूनचा व्हिडीओ व्हायरल केला आहे. दरम्यान, संबंधित अव्वल कारकून बिनबोभाटपणे नागरिकांकडून कामाच्या मोबदल्यात पैसे घेत असल्याची चित्रफित सगळीकडे प्रसारित झाल्यानंतर महसूल विभागातील लाचखोरी चांगलीच चव्हाट्यावर आली आहे.
— Pudhari News (@pudharionline) October 16, 2025
नागरिकांकडून पैसे घेणारे अव्वल कारकून कैलास पाटील यांना चित्रफित पाहिल्यानंतर कारणे दाखवा नोटीस बजावली होती. पुढील कारवाई संदर्भात अहवाल आता प्रांताधिकाऱ्यांकडे पाठविला आहे, अशी माहिती तहसीलदार गिरीश वखारे यांनी दिली आहे.
Discussion about this post