विकसित भारत २०४७’ या केंद्र सरकारच्या उपक्रमांतर्गत विद्यापीठ व महाविद्यालय स्तरावर विविध उपक्रमांचे आयोजन

जळगाव,| ‘विकसित भारत २०४७’ हा भारताच्या स्वातंत्र्याच्या शताब्दी वर्षापूर्वी विकसित राष्ट्र बनण्याच्या आकांक्षा पूर्ण करण्याच्या उद्देशाने एक उपक्रम राबविण्यात येत आहे.

सन २०४७ मध्ये भारत स्वातंत्र्याच्या १०० व्या वर्षाच्या जवळ येत असताना, हा उपक्रम व्यापक आणि शाश्वत विकास साध्य करण्यासाठी आर्थिक, सामाजिक, पर्यावरणीय आणि प्रशासनिक क्षेत्रात प्रयत्नांना एकत्रित करण्याचा प्रयत्न करतो. ही संकल्पना भारताला एक आघाडीची जागतिक शक्ती म्हणून जगासमोर आणण्याची क्षमता दर्शवितो.

तरुणांमध्ये हा विचार पुढे नेण्यासाठी “विकसित भारत राजदूत युवा कनेक्ट” कार्यक्रम भारत सरकार तर्फे आयोजित केला जाणार असून, याचा उद्देश भारताच्या विकासात्मक परिवर्तनात तरुणांचा सहभाग आणि नेतृत्व वाढवणे हा आहे.या अनुषंगाने राज्यामध्ये या संदर्भात विविध उपक्रम / कार्यक्रम आयोजित करून पंतप्रधान यांच्या विकसित भारताच्या दृष्टिकोनाला जास्तीत जास्त तरुणांपर्यंत पोहोचवणे हा आहे. या निमित्ताने उच्च व तंत्र शिक्षण विभाग यांच्यातर्फे दिनांक १७ सप्टेंबर ते २ ऑक्टोबर २०२५ या दरम्यान “विकसित भारत संवाद online व्याख्यानमाला ” आयोजित करण्यात येत असून या व्याख्यानमालेत राष्ट्रीय / आंतरराष्ट्रीय स्तरावरील तज्ञ व्यक्ती विविध विषयांवर मार्गदर्शन करणार आहेत.

तसेच राष्ट्रीय सेवा योजना उच्च व तंत्र शिक्षण विभाग यांच्यातर्फे राज्यातील विद्यापीठे / महाविद्यालयांच्या राष्ट्रीय सेवा योजना एकक माध्यमातून रक्तदान शिबिर, स्वच्छतोउत्सव, आरोग्य तपासणी शिबिर, युवा संवाद, जागतिक पर्यावरण आरोग्य दिवसानिमित्त जनजागृती करणे, विश्व पर्यटन दिवस निमित्त छत्रपती शिवाजी महाराजांच्या गड किल्ल्यांबाबत व त्यांनी निर्माण केलेल्या हिंदवी स्वराज्याबाबत व्याख्यान, शहीद भगतसिंह यांच्या जयंतीनिमित्त युवकांमध्ये देशभक्ती, साहस व त्यांचे आदर्शांचे स्मरण करण्यासाठी व्याख्यान, विविध विषयांवर पथनाटय इत्यादी कार्यक्रम आयोजित करण्यात येत आहे.

तसेच दिनांक २५ सप्टेंबर रोजी राष्ट्रीय स्वच्छता अभियान अंतर्गत सर्व नागरिकांना हाताची साखळी करून संपूर्ण देशभरात आणि राज्यातही श्रमदान अंतर्गत “एक दिन, एक घंटा, एक साथ” हे एक तासाचे अभियान राबविणेबाबत विद्यापीठ तसेच महाविद्यालयांना सूचना दिलेल्या आहेत, असे आवाहन डॉ.पराग मसराम, सहसंचालक, उच्च शिक्षण, जळगांव विभाग, जळगांव यांनी प्रसिध्दी पत्रकान्वये कळविले आहे.