जळगाव। तालुक्यातील म्हसावद येथील गिरणा नदीपात्रात हात-पाय धुण्यासाठी गेलेल्या मजुराचा पाय घसरल्याने गिरणेच्या डोहात बुडून मृत्यू झाला. किशोर श्रावण मराठे (वय-४०, म्हसावद) असं मृत मजुराचे नाव असून याबाबत एमआयडीसी पोलीस स्टेशन येथे आकस्मात मृत्यूची नोंद करण्यात आली आहे.
किशोर मराठे हे गावात हातमजुरीचे काम करत होते. मंगळवारी १८ जुलै रोजी सकाळी ९ वाजता घरातून निघाले, त्यानंतर सकाळी १०.३० वाजेच्या सुमारास गिरणा नदीपात्रात हात-पाय धुण्यासाठी गेले. त्याठिकाणी अचानक पाय घसरल्याने डोहात पडल्याल बुडाले. कपडे धुणाऱ्या महिलेच्या लक्षात आल्याने परिरातील नागरीक व पोलीसांनी घटनास्थळी धाव घेतली.
मृतदेह हाती न लागल्याने जिल्हा आपत्ती व्यवस्थापन विभागाच्या पथकाला पाचारण करण्यात आले. सायंकाळी ५ वाजता पथकातील कर्मचाऱ्यांच्या अथक प्रयत्नानंतर मृतदेह सापडला, जिल्हा रुग्णालयात मृतदेह दाखल केल्यानंतर सायंकाळी मृतदेहाचे शवविच्छेदन करण्यात येवून, मृतदेह नातेवाईकांकडे सोपविण्यात आला. एमआयडीसी पोलीस स्टेशनला अकस्मात मृत्यूची नोंद करण्यात आली.
Discussion about this post