हृदय पिळवटून टाकणारी घटना! रुग्णालयात 10 नवजात बालकांचा होरपळून मृत्यू

झांशी | उत्तर प्रदेशमध्ये हृदय पिळवटून टाकणारी घटना समोर आली. झांशीमधील महारानी लक्ष्मीबाई मेडिकल कॉलेजमध्ये शिशु विभागाला (NICU) भीषण आग लागल्याने 10 नवजात बालकांचा होरपळून मृत्यू झालाय. तर ३७ नवजात बाळांना खिडकी तोडून वाचवण्यात आले.मुख्यमंत्री योगी आदित्यनाथ यांनी दु:ख व्यक्त करत चौकशीचे आदेश दिले आहेत.

नेमकी घटना काय?
शुक्रवारी रात्री जमध्ये लक्ष्मीबाई मेडिकल कॉलेनवजात शिशु विभागाला (NICU) भीषण आग लागल्याची घटना घडली. पाहता पाहता आगीनं इतकं भीषण स्वरुप धारण केलं की, यामध्ये 10 नवजात बालकांचा होरपळून मृत्यू झाला तर १६ बालकं गंभीर जखमी झाले आहेत. ३७ बालकांना खिडकीच्या काचा तोडून वाचवण्यात यश आले.

मिळालेल्या माहितीनुसार, शॉर्ट सक्रिटमुळे ही आग लागल्याचं समोर आलेय. आगीची घटना घडताच रुग्णालयात गोंधाळाची स्थिती निर्माण झाली. कुटुंबीय आणि रुग्ण जीव वाचवण्यासाठी धावत होते, त्यामुळे चेंगराचेंगरीसारखी परिस्थिती निर्माण झाली. अग्निशमन दलाच्या पथकाने घटनास्थळी पोहोचून ३७ मुलांना सुखरूप बाहेर काढले. आगाची घटना घडली त्यावेळी रुग्णालयाच्या एनआयसीयू वॉर्डमध्ये 54 नवजात बालकं होती.

शॉर्ट सर्किटमुळे आग लागण्याची शक्यता आहे. या प्रकरणाच्या सखोल चौकशीचे आदेश दिले असल्याची माहिती झाशीचे जिल्हा अधिकारी अविनाश कुमार यांनी दिली. उत्तर प्रदेशचे मुख्यमंत्री योगी आदित्यनाथ यांनी या घटनेबाबत शोक व्यक्त केला, त्याशिवाय सखोल चौकशीचे आदेश दिले आहेत.