सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. नॅशनल इन्शुरन्स कंपनी लिमिटेडमध्ये भरती सुरु आहे. यामुळे इच्छुक उमेदवारांनी अजिबात वेळ वाया न घालवता अर्ज करावा.
लक्षात असू द्या अर्ज फक्त आणि फक्त ऑनलाईन पद्धतीने करावा लागणार आहे. या नोकरीसाठी अर्जप्रक्रिया २४ ऑक्टोबर २०२४ पासून सुरु होणार आहे. यासाठी तुम्हाला nationalinsurance.nic.co.in या वेबसाइटवर जाऊन अर्ज करायचा आहे. या नोकरीसाठी अर्ज करण्याची शेवटची तारीख ११ नोव्हेंबर २०२४ आहे.
एनआयसीएलमधील नोकरीसाठी उमेदवारांना फेज I आणि फेज II परीक्षा द्यावी लागणार आहे.एनआयसीएलमध्ये असिस्टंट पदासाठी भरती जाहीर करण्यात आली आहे. ५०० रिक्त पदांसाठी ही भरती होणार आहे.
असिस्टंट पदासाठी अर्ज करणाऱ्या उमेदवाराने मान्यताप्राप्त विद्यापीठातून ग्रॅज्युएशन केलेले असावे. तसेच उमेदवार ज्या राज्यातून अर्ज करणार आहे त्या राज्याची स्थानिक भाषा त्या उमेदवाराला येणे गरजेचे आहे. याबाबत माहिती अधिकृत वेबसाइटवर देण्यात आली आहे.
नॅशनल इन्शुरन्स कंपनी लिमिटेडमध्ये अर्ज करणाऱ्या उमेदवाराची वयोमर्यादा २१ ते ३० वर्ष असणे गरजेचे आहे.या नोकरीसाठी उमेदवारांची निवड प्रीलियम्स, मेन्स परीक्षा आणि रिजनल टेस्टद्वारे केली जाणार आहे. यासाठी फेज १ परीक्षा ३० नोव्हेंबर २०२४ रोजी होणार आहे तर असिस्टंट फेज २ परीक्षा २८ डिसेंबर २०२४ रोजी होणार आहे.
Discussion about this post