कुवेतमधून हृदयद्रावक बातमी समोर येत आहे, कुवेतच्या दक्षिणेकडील मंगफ शहरात एका इमारतीला आग लागली आहे, या घटनेत 41 जणांचा मृत्यू झाला असून 30 जण जखमी झाले आहेत. सूत्रांनी दिलेल्या माहितीनुसार, मृतांमध्ये ४० भारतीयांचा समावेश आहे. परराष्ट्र मंत्री एस जयशंकर यांनी या घटनेवर दु:ख व्यक्त केलं आहे.
रॉयटर्सच्या हवाल्याने एका वरिष्ठ पोलीस कमांडरने स्टेट टीव्हीला सांगितलं की, ज्या इमारतीला आग लागली, तिथे कामगारांच्या निवासाची व्यवस्था केली जायची. मोठ्या संख्ये कामगार इथे राहत होते. कुवेतच्या दक्षिणी अहमदी प्रांतामधील मंगाफ येथे सहा मजली इमारत आहे. या इमारतीच्या किचनमध्ये आग भडकली. अधिकाऱ्यांनी आग का लागली? त्याच्या कारणांचा शोध सुरु केला आहे. या इमारतीत जवळपास 160 लोक राहत होते. एकाच कंपनीचे हे सर्व कर्मचारी होते. कुवेत टाइम्सच्या वृत्तानुसार, कुवेतचे उपपंतप्रधान शेख फहाद अल-युसेफ अल-सबाह यांनी घटनास्थळी भेट दिली. त्यांनी इमारतीच्या मालकाला अटक करण्याचे आदेश दिले.
#Kuwait Mangaf Fire: Initial causes indicate poor storage on the ground floor and the presence of many gas cylinders, Firefighters, MOI and MOH to assess the deaths and injuries.. #الكويت pic.twitter.com/LNCpkhZdae
— Ayman Mat News (@AymanMatNews) June 12, 2024
“कुवेतमधील भारतीय दूतावासाने एक इमर्जन्सी हेल्पलाइन नंबर +965-65505246 सुरु केला आहे. सर्व संबंधितांना अपडेटसाठी हेल्पलाइनच्या संपर्कात राहण्याची विनंती केली आहे. दूतावास सर्व शक्य मदत करेल” असं कुवेतमधील भारतीय दूतावासाने एक्सवरील पोस्टमध्ये म्हटलं आहे.
Discussion about this post