मुंबई । राज्यातील प्रलंबित स्थानिक स्वराज्य संस्थेच्या निवडणुका लवकरच होणार आहे. मात्र त्यापूर्वी राज्यात पोलीस अधिकाऱ्यांच्या बदल्यांचा धडाका सुरुये. एका आठवड्यानंतर पुन्हा बड्या एकदा पोलीस अधिकाऱ्यांच्या बदल्या करण्यात आल्या आहेत.
राज्यात आठ वरिष्ठ आयपीएस अधिकाऱ्यांच्या बदल्या करण्यात आल्यांनतर आज गुरुवारी २१ वरिष्ठ अधिकाऱ्यांच्या बदल्या करण्यात आल्या आहेत. पोलीस प्रशासनाच्या निर्णयाने राज्यातील अनेक जिल्ह्यांना नवीन पोलीस अधीक्षक मिळाले आहेत.
बड्या पोलीस अधिकाऱ्यांच्या बदल्यांमध्ये तुषार दोषी आणि आंचल दलाल यांच्या नावाचाही समावेश आहे. एका आठवड्याआधी ८ अधिकाऱ्यांच्या बदल्या करण्यात आल्या होत्या. त्यानंतर आज गुरुवारी २१ वरिष्ठ अधिकाऱ्यांच्या बदल्या करण्यात आल्या आहेत. पोलीस प्रशासनाच्या बड्या निर्णयाने राज्यातील अनेक जिल्ह्यांना नवीन पोलीस अधिक्षक मिळाले आहेत. त्यामुळे पोलीस प्रशासनात बदलाचे वारे वाहू लागल्याचे दिसत आहे.
कुणाची कुठे बदली झाली?
कोकण विभागातील रत्नागिरी, मराठवाड्यातील धाराशिव आणि लातूर या जिल्ह्यांना नवीन पोलीस अधीक्षक मिळाले आहेत. सोमनाथ घार्गे यांची अहिल्यानगरचे नवीन पोलीस अधीक्षक म्हणून बदली झाली आहे. आंचल दलाल यांची रायगडच्या नवीन पोलीस अधीक्षक म्हणून बदली झाली आहे. साताऱ्याच्या पोलिस अधीक्षकपदावर तुषार दोशी यांची नियुक्ती करण्यात आली आहे. नितीन बगाते यांचे रत्नागिरीच्या पोलीस अधीक्षकपदी नियुक्ती झाली. आहे. रितू खोकर यांची धाराशिवचे पोलिस अधीक्षकपदी नियुक्ती झाली आहे.
अर्चित चांडक यांच्याकडे अकोल्याचे पोलिस अधीक्षकपद सोपवण्यात आलं आहे. तर योगेश कुमार गुप्ता यांची कोल्हापूरच्या पोलिस अधीक्षकपदी नियुक्ती झाली आहे. जयंत मीना यांची लातूरचे नवीन पोलीस अधीक्षक म्हणून नियुक्त झाली आहे.
Discussion about this post