जळगाव : एका भरधाव कारने शिरसोली येथे घरी जात असलेल्या दुचाकीवरील तिघांना उडविल्याची घटना शिरसोली रस्त्यावरील जैन व्हॅलीजवळ घडली. या अपघातात तिघे जखमी असून त्यांच्यावर उपचार सुरू आहेत.
शिरसोली येथील रोहित ताडे, किशोर काटोले व पीयूष ताडे (सर्व रा. शिरसोली प्र.बो.) हे दुचाकी (एमएच १९ सीएस ९१३७) ने येत असताना भरधाव येणारी कारने मागच्या बाजूने जबर धडक दिली. या अपघातात तिघे जखमी झाले आहेत.
त्यांना आजूबाजूच्या नागरिकांनी शासकीय वैद्यकीय महाविद्यालय व रुग्णालयात उपचारासाठी दाखल केले. नंतर खाजगी रुग्णालयात दाखल केले आहे. अपघातामध्ये रोहित ताडे व किशोर काटोले या दोन्ही तरुणांची प्रकृती गंभीर असून त्यांना अतिदक्षता विभागात दाखल करण्यात आले आहे. तर पियुष ताडे याची प्रकृती स्थिर असून वैद्यकीय अधिकारी प्रकृतीवर लक्ष ठेवून आहे.
दरम्यान, एमआयडीसी पोलीस स्टेशनला घडण्याची माहिती मिळाल्यानंतर त्यांनी घटनास्थळी दाखल होत माहिती जाणून घेतली आहे. घटनेची माहिती शिरसोली गावात होताच कुटुंबीय व नागरिकांनी रुग्णालयात धाव घेतली आहे. अपघातात मोठे दुचाकीचे नुकसान झाले असून कारचे देखील नुकसान झाले आहे.
Discussion about this post