जळगाव । जिल्हा बुद्धिबळ संघटना व जैन स्पोर्ट्स अकॅडमी यांच्यातर्फे बुध्दीबळ अकरा वर्षातील बुद्धिबळ निवड स्पर्धेचे आयोजन शनिवार दिनांक १५ जुलै दुपारी दोन वाजता करण्यात आलेले आहे.
यातून पुणे येथे दिनांक २८ ते ३० जुलै २०२३ होणाऱ्या राज्य स्पर्धेसाठी दोन मुले व दोन मुली यांची निवड करण्यात येईल.
खुला गट
रविवार दिनांक १६ जुलै २०२३ खुल्या गटाची बुद्धिबळ स्पर्धला सुरुवात सकाळी १०.०० वाजता करण्यात येईल.
खुल्या गटातील विजेत्या चार खेळाडूंची निवड जळगाव येथे दिनांक २० ते २३ जुलै दरम्यान होणाऱ्या राज्य स्पर्धेसाठी जिल्हा संघात करण्यात येईल.
स्पर्धा कांताई सभागृह नवीन बस स्टँड जवळ येथे होतील. स्पर्धकांनी नावनोंदणी कांताई सभागृह येथे प्रवीण ठाकरे, परेश देशपांडे यांच्याकडे करावी. या स्पर्धेत अधिकाधिक खेळाडूंनी सहभाग नोंदवावा असे आवाहन जिल्हा बुद्धिबळ संघटनेचे अध्यक्ष अतुल जैन यांनी केले आहे.
