नाशिक । नाशिकच्या सप्तश्रृंगी गडावर भीषण अपघात झाला असून देवीचं दर्शन घेऊन येणाऱ्या भाविकांची एसटी बस सप्तश्रृंगी गडाच्या घाटामधील दरीत कोसळून मोठा अपघात झाला आहे. यावेळी एकाचा मृत्यू झाला, तर बसमधून प्रवास करणारे २१ जण जखमी झाले आहेत. यापैकी जळगावातील काही प्रवाशांचा समावेश आहे. तर अपघातातील मृत प्रवाशी देखील जळगाव जिल्ह्यातील आहे.
आज पहाटे साडेसहा -पावणेसात वाजताच्या सुमारास हा अपघात झाला. अपघातग्रस्त बस खामगाव आगाराची आहे. सकाळी सप्तशृंगी गडावरून ती खामगाव ला निघालेली होती.
सप्तश्रृंगी गडावरुन खाली येत असताना बस दरीत कोसळली. खामगाव डेपोची एसटी बस अपघातग्रस्त झाली. यावेळी बसमध्ये २२ ते २५ जण प्रवास करत होते. १६ प्रवासी हे अमळनेर तालुक्यातील मुडी या गावचे असून गडावरील ४ प्रवासी आहेत. इतर दोघांमध्ये बस चालक व कंडक्टरचा समावेश आहे.
Discussion about this post