राजीव गांधी प्रशासकीय गतिमानता अभियान व स्पर्धेचे ऑनलाईन प्रस्ताव स्विकारण्यासाठी मुदतवाढ

जळगाव  : “राजीव गांधी प्रशासकीय गतिमानता (प्रगती) अभियान व स्पर्धा” सन 2024-25 सर्व स्तरांवर राबविण्यात येत आहेत. राजीव गांधी प्रशासकीय गतिमानता (प्रगती) अभियान व स्पर्धेचे प्रस्ताव ऑनलाईन पद्धतीने सादर करणे तसेच अभियान व स्पर्धेशी संबंधित सर्व बाबीवर कार्यवाही करण्यासाठी ऑनलाईन पोर्टल विकसित करण्यात आले आहे. या पोर्टलच्या संकेतस्थळाची लिंक “pragatiabhiyan.maharashtra.gov.in” ही आहे. या पोर्टलवर सर्व स्तरावरील स्पर्धेचे प्रस्ताव सादर करणे, प्रस्तावांची छाननी तसेच स्पर्धेशी संबंधित कार्यवाही ऑनलाईन पद्धतीने करण्यात येत आहे.

तसेच या योजनेअंतर्गत घेण्यात येणाऱ्या स्पेर्धेसाठी सर्व स्तरावर प्रस्ताव स्विकारण्याची मुदत दि. 16 ते 31 ऑक्टोबर 2024 अशी होती. मात्र आता स्पेर्धेसाठी ऑनलाईन प्रस्ताव स्विकारण्यासाठी दि. 05 जानेवारी 2025 पर्यंत मुदतवाढ देण्यात आली आहे. त्यामुळे 5 जानेवारी पर्यंत “राजीव गांधी प्रशासकीय गतिमान (प्रगती) अभियान व स्पर्धा” या योजनेत सर्वांनी जास्तीत जास्त सहभाग घ्यावा असे आवाहन निवासी उपजिल्हाधिकारी भिमराज दराडे यांनी प्रसिद्धीपत्रकाद्वारे केले आहे.