रेल्वे भरती बोर्डाने ईस्ट रेल्वेमध्ये भरती निघाली असून यासाठी पात्र उमेदवारांकडून ऑनलाईन पद्धतीने अर्ज मागविले जात आहे. रेल्वेत अप्रेंटिस पदावर काम करण्याची संधी आहे. त्यामुळे तुम्ही जर फ्रेशर्स असाल तर ही तुमच्यासाठी उत्तम संधी आहे. या नोकरीसाठी अर्जप्रक्रिया आजपासून सुरु झाली आहे. एकूण ११४९ जागा भरल्या जाणार आहे. त्यामुळे इच्छुकांनी लवकरात लवकर अर्ज करावेत.या नोकरीसाठी अर्ज करण्याची शेवटची तारीख २५ ऑक्टोबर २०२५ आहे. त्यामुळे इच्छुकांनी लवकरात लवकर अर्ज करावेत.
ईस्ट सेंट्रल रेल्वेतील अप्रेंटिसशिप पदासाठी ११४९ जागांवर भरती केली जाणार आहे. या नोकरीसाठी अर्ज करणाऱ्या उमेदवाराने १०वी पास असणे गरजेचे आहे. याचसोबत आयटीआयमध्येही पदवी प्राप्त केलेली असावी. या नोकरीसाठी उमेदवारांची निवड आयटीआयमध्ये मिळालेल्या गुणांच्या आधारे होणार आहे.
अप्रेंटिस पदासाठी १५ ते २४ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे.या नोकरीसाठी अर्ज करताना तुमच्याकडे आयटीआय सर्टिफिकेट प्राप्त केलेले असावे. या नोकरीसाठी अर्ज करताना उमेदवारांना १०० रुपये शुल्क भरायचे आहे. राखीव प्रवर्गातील उमेदवारांना कोणतेही शुल्क भरावे लागणार नाही.
अर्ज कसा करावा?
या नोकरीसाठी www.ecr.indianrailways.gov.in या वेबसाइटवर जावे.
यानंतर ऑनलाइन अॅप्लिकेशनवर क्लिक करा.
यानंतर रजिस्ट्रेशन प्रोसेस करा. त्यानंतर कागदपत्रे अपलोड करा.
त्यानंतर फॉर्म सबमिट करा आणि त्याची प्रिंट आउट तुमच्याजवळ ठेवा.
Discussion about this post