तेल आणि नैसर्गिक वायू लिमिटेड नोकरीची मोठी संधी; पगार 66,000 पर्यंत मिळेल

नोकरीच्या शोधात असलेल्या तरुणांसाठी एक मोठी उत्तम संधी आहे. तेल आणि नैसर्गिक वायू लिमिटेड म्हणजेच ONGC मध्ये भरती निघाली आहे. याभरतीची अधिकृत वेबसाईट जाहिरात प्रसिद्ध करण्यात आली आहे.

एनजीसीने कनिष्ठ सल्लागार आणि सहयोगी सल्लागार या पदांसाठी भरती प्रक्रिया सुरू केली आहे. या भरती प्रक्रियेसाठी अर्ज प्रक्रिया सुरू झाली आहे. तुम्ही या भरती प्रक्रियेसाठी 3 जानेवारी 2025 पर्यंत आपला अर्ज दाखल करु शकतात. या भरती प्रक्रियेच्या अंतर्गत एकूण चार पदे भरली जाणार आहेत.

पात्रता काय?
ONGC च्या या पदांसाठी अर्ज करणाऱ्या कोणीही अधिकृत अधिसूचनेमध्ये दिलेली संबंधित पात्रता असणे आवश्यक आहे. अर्ज केलेल्या उमेदवारांची संबंधित पात्रता पाहूनच ते अर्ज पात्र मानले जातील. अर्ज करणाऱ्या व्यक्तीला वर्कओव्हर/ड्रिलिंग ऑपरेशन्सच्या देखभाल विभागात किमान 10 वर्षांचा अनुभव असावा.

वयोमर्यादा किती?
या भरती प्रक्रियेसाठी इच्छुक आणि पात्र उमेदवाराचे जास्तीत जास्त वय 63 वर्षे असावे.

पगार किती मिळणार?
कनिष्ठ सल्लागार – 40,000 रुपये प्रति महिना + 2000 (जास्तीत जास्त) संचार भत्ता
सहयोगी सल्लागार – 66,000 रुपये प्रति महिना + 2000 (जास्तीत जास्त) संचार भत्ता

निवड कशी होणार?
ONGC च्या या पदांसाठी अर्ज करणाऱ्या उमेदवारांची निवड सर्वप्रथम केली जाईल. त्यानंतर निवडलेल्या उमेदवारांना ईमेलद्वारे तारीख, परीक्षेचे ठिकाण, वैयक्तिक मुलाखत आणि इतर संबंधित माहिती कळवण्यात येईल.

या भरती प्रक्रियेसाठी अर्ज करण्यापूर्वी भरती प्रक्रियेची संपूर्ण जाहिरात वाचून घ्यावी. भरती प्रक्रियेची जाहिरात आणि नोटिफिकेशनची पीडीएफ फाईल पाहण्यासाठी ongcindia.com/documents या लिंकवर क्लिक करा.

अर्ज कुठे आणि कसा करावा?
अर्ज करण्यासाठी, उमेदवारांना ONGC ने जारी केलेल्या अधिकृत अधिसूचनेमध्ये दिलेल्या नमुन्यानुसार अर्ज भरावा लागेल आणि तो सर्व आवश्यक कागदपत्रांसह पाठवावा.