छत्रपती संभाजीनगर । छत्रपती संभाजीनगरमधून एक मोठी बातमी समोर येत आहे. एमआयएमचे नेते इम्तियाज जलील यांच्या वाहनावर हल्ला करण्यात आला आहे. दरम्यान या घटनेनंतर घटनास्थळी मोठा गोंधळ उडाला, कार्यकर्ते चांगलेच आक्रमक झाले.
समोर आलेल्या माहितीनुसार छत्रपती संभाजीनगरमध्ये इम्तियाज जलील यांचा प्रचार सुरू असतानाच ही घटना घडली आहे, त्यांच्या वाहानावर धारदार शस्त्रानं वार करण्याचा प्रयत्न झाला आहे. नाराज कार्यकर्त्यांनी जलील यांच्या वाहनावर हल्ला करण्याचा प्रयत्न केल्याची माहिती समोर येत आहे.
महापालिका निवडणुकीत जुन्या कार्यकर्त्यांना डावलण्यात आलं. नव्या लोकांना संधी देण्यात आली, असा आरोप करत नाराज कार्यकर्त्यांनी जलील यांच्या वाहनावर हल्ला केल्याची माहिती समोर येत आहे.यामुळे घटनास्थळी चांगलाच गोंधळ उडाला होता. त्यानंतर इम्तियाज जलील यांनी जिन्सी पोलीस ठाण्यात धाव घेतली.
दरम्यान एआयएमच्या नाराज कार्यकर्त्यांनी जलील यांच्या वाहनावर हल्ला केल्याची माहिती समोर येत आहे. महापालिका निवडणुकीत जुन्या कार्यकर्त्यांना डावलण्यात आलं, नव्यांना संधी देण्यात आली, तसेच स्थानिक लोकांना देखील डावलण्यात आलं, असा आरोप या कार्यकर्त्यांकडून करण्यात आला आहे, त्यानंतर जलील यांच्या वाहनावर हल्ला करण्यात आला. यामुळे घटनास्थळी चांगलाच गोंधळ उडाला होता. त्यानंतर इम्तियाज जलील यांनी जिन्सी पोलीस ठाण्यात धाव घेतली.
दरम्यान जलील यांच्या वहानावरील हल्ल्यापूर्वी त्यांना काळे झेंडे देखील दाखवण्यात आले होते, आणि त्यानंतर त्यांच्या वहानावर हल्ला झाला आहे. आज छत्रपती संभाजीनगरमध्ये एमआयएमची सभा होणार आहे. या सभेपूर्वीच हा हल्ला झाला आहे. या हल्ल्यानंतर सुरक्षेसाठी जलील यांना सुरक्षा रक्षकांनी घेराव घातला. कार्यकर्त्यांनी घोषणाबाजी करत जलील यांच्या वहानावर हल्ला केला. दरम्यान या घटनेमुळे आता वातावरण आणखी तापण्याची शक्यता आहे.
Discussion about this post