जळगाव : जळगाव महापालिकेच्या महापौर आणि उपमहापौरपदाची माळ कोणाच्या गळ्यात पडेल याची उत्सुकता होती. अखेर भाजपाच्या दीपमाला मनोज काळे यांची महापौरपदी तर शिंदेसेनेचे मनोज सुरेश चौधरी यांची उपमहापौरपदी निवड करण्यात आली.
महापौर आणि उपमहापौर पदाच्या निवडीसाठी महापालिका सभागृहात विशेष सभेचे आयोजन करण्यात आले होते. आणि या निवडीसाठी पीठासीन अधिकारी म्हणून जिल्हाधिकारी रोहन घुगे हे होते आणि त्यांच्या देखरेखी खाली ही संपूर्ण प्रक्रिया पार पडली आहे.
नुकत्याच पार पडलेल्या जळगाव महानगरपालिकेच्या निवडणुकीत महायुतीला घवघवीत यश हे संपादन करण्यात आलं आणि यात भाजपला 46 पैकी 46 जागांवर त्यांचे बहुमत मिळवता आलं, यासह शिवसेना शिंदे गटाने 23 जागांवर विजय मिळवला. त्यामुळे भाजपच्या दीपमाला काळे या महापौर पदासाठी आणि शिवसेना शिंदे गटाचे मनोज चौधरी हे उपमहापौर पदासाठी त्यांनी अर्ज दाखल केले होते.
आज 11 वाजेच्या सुमारास अर्जांची छाननी ही केली गेली. आणि विशेष म्हणजे या दोन्ही पदासाठी इतर कोणत्याही पक्षाकडून अर्ज प्राप्त झाले नव्हते त्यामुळे या दोघांचीही उमेदवारी बिनविरोध झाली आहे.
Discussion about this post