जळगाव । पिकअप वाहनाने समोरून येणाऱ्या दुचाकीला जोरदार धडक दिली. यात दोन जणांचा जागीच मृत्यू झाला तर एक जण गंभीर जखमी झाल्याची घटना जळगाव तालुक्यातील वावडदा फाट्याजवळ आज गुरुवारी १० एप्रिल रोजी दुपारी १ वाजेच्या सुमारास घडली. जिल्हा शासकीय वैद्यकीय महाविद्यालयात दाखल करण्यात आले आहे. यावेळी जिल्हा रुग्णालयात नातेवाईकांनी एकच आक्रोश केल्याचे पाहायला मिळाले.
भावेश गोरख पाटील (वय 35) आणि महेंद्र वसंत जाधव (वय 38 दोघी रा. पाथरी ता. जळगाव) यांची नावे आहेत. जळगाव तालुक्यातील वावडदा फाट्याजवळ दुचाकीने भावेश पाटील, महेंद्र पाटील आणि सोबत संदीप शांताराम भील (वय 35) हे तिघे दुचाकीने जात होते. त्यावेळी समोरून येणारी पीकअप वाहनाने त्यांच्या दुचाकीला जोरदार धडक दिली.
या धडकेत भावेश पाटील आणि महेंद्र जाधव या दोघांचा जागीच मृत्यू झाला तर सोबत असलेला संदीप भील हा गंभीर जखमी झाला आहे. जखमी संदीपला तातडीने शासकीय वैद्यकीय महाविद्यालयात दाखल करण्यात आले आहे. त्याच्यावर उपचार सुरू आहे. दरम्यान मयत झालेले भावेश आणि योगेश यांच्या नातेवाईकांनी जिल्हा शासकीय वैद्यकीय महाविद्यालयात एकच आक्रोश केल्याचे पाहायला मिळाले.
Discussion about this post