बँकेत सरकारी नोकरी मिळवू इच्छिणाऱ्या उमेदवारांसाठी आनंदाची बातमी आहे. इंडियन बँकेने विविध पदे भरण्यासाठी अर्ज मागवले आहेत. बँकेने या भरतीसाठी अधिकृत जाहिरात देखील प्रसिद्ध केली आहे. अर्ज प्रक्रिया २३ सप्टेंबर रोजी indianbank.bank.in या अधिकृत वेबसाइटवर सुरू झाली आणि १३ ऑक्टोबर २०२५ पर्यंत सुरू राहील.
इंडियन बँकेत एकूण १७१ पदांसाठी भरती जाहीर करण्यात आली आहे. इंडियन बँकेतील या भरती मोहिमेत चीफ मॅनेजर, सीनियर मॅनेजरसह अनेक पदांसाठी भरती करण्यात येणार आहे. या नोकरीसाठी तुम्हाला लाखो रुपये पगार मिळणार आहे. बँकेत चांगल्या मॅनेजर पदासाठी भरती करण्याची ही उत्तम संधी आहे.
इंडियन बँकेतील या नोकरीसाठी २३ ते ३६ वयोगटातील उमेदवार अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे. ही भरती लेखी परीक्षा आणि इंटरव्ह्यूद्वारे होणार आहे.
इंडियन बँकेतील नोकरीसाठी निवड झाल्यावर तुम्हाला भरघोस पगार मिळणार आहे. स्केल II लेव्हलसाठी ६४८२० ते ९३,९६० रुपये पगार मिळणार आहे. स्केल III पदासाठी ८५९२० ते १०५२८० रुपये पगार मिळणार आहे. स्केल IV पदासाठी १०२३०० ते १२०९४० रुपये पगार मिळणार आहे.
आवश्यक पात्रता :
इंडियन बँकेत एसओ स्पेशलिस्ट आयटी टेक्नोलॉजी पदासाठी अर्ज करणाऱ्या उमेदवाराने ४ वर्षांसाठी इंजिनियरिंग, कॉम्प्युटर सायन्समध्ये टेक्नोलॉजी डिग्री/ कॉम्प्यटर अॅप्लिकेशन/इनफॉर्मेशन टेक्नोलॉजी/इलेक्ट्रॉनिक्स/इलेक्ट्रॉनिक्स अँड कम्युनिकेशन/इलेक्ट्रॉनिक्स एंड कम्युनिकेशन/इलेक्ट्रॉनिक्स एंड इंस्ट्रूमेंटेशन डिग्री प्राप्त केलेली असावी. याचसोबत इतर पदांसाठी पात्रता वेगवेगळी असणार आहे. या नोकरीबाबत अधिक माहिती तुम्हाला अधिसूचनेत देण्यात आली आहे.
Discussion about this post