नव्या वर्षात सलग तिसऱ्या दिवशी ग्राहकांच्या झटका; सोन्याचा भाव ‘एवढ्या’ रुपयांनी वाढला

मुंबई । गेल्या वर्षी सोन्याच्या किमतीने आतापर्यंतचे सगळे रेकॉर्ड मोडीत काढलेय. आता नवीन वर्षात सोन्याच्या किमतीतून दिलासा मिळेल, अशी अपेक्षा ग्राहकांना आहे. मात्र नवीन वर्षाच्या सुरुवातीलाच सोन्याचे भाव कडाडले. आज नव्या वर्षाच्या तिसऱ्या दिवशीही सोन्याच्या भावात चांगलीच वाढ झाली आहे.

नवीन वर्षासोबत अनेक ठिकाणी लग्नाची धामधूम देखील सुरु असून या दिवसांमध्ये सोन्याला अधिक मागणी असते. आजच्या दिवशी जर तुम्ही सोन्याची खरेदी करायला जाणार असाल तर तुम्हाला जादा पैसे मोजावे लागणार आहेत.Goodreturns वेबसाईटनुसार, शुक्रवारी म्हणजेच आज ३ जानेवारी रोजी सोन्याचे दर वाढले आहेत. 24 कॅरेट सोन्याच्या दरात 870 रूपये प्रति १० ग्रॅम इतकी वाढ झाली आहे. तर १०० ग्रॅम सोन्याची किंमत 7,93,500 रूपये इतकी आहे.

२२ कॅरेट सोन्याचा भाव काय?
२२ कॅरेट १ ग्रॅम सोनं आज 7,275 रुपयांना विकलं जात आहे.
२२ कॅरेट ८ ग्रॅम सोनं आज 58,200 रुपयांवर आहे.
१० ग्रॅम म्हणजे एक तोळा सोन्याचा भाव आज 72,750 रुपये इतका आहे.

२४ कॅरेट सोन्याचा भाव किती?
१० ग्रॅम सोन्याचा भाव आज 79,350 रुपये इतका आहे.
८ ग्रॅम सोन्याचा भाव आज 63,480 रुपये इतका आहे.
१ ग्रॅम सोनं 7,935 रुपयांनी विकलं जात आहे.