जामनेर । राज्याचे ग्रामविकास मंत्री गिरीश महाजन यांचा एक व्हिडिओ सोशल मिडियावर चांगलाच व्हायरल होतो आहे. जामनेर मतदारसंघातील लिहा तांडा गावात गिरीश महाजन गेले असता त्या ठिकाणी अत्यंत खराब रस्त्याबाबत तेथे उपस्थित असलेल्यांनी रोष व्यक्त करत व्हिडीओ काढले. रस्त्यांबाबत ठोस भूमिका घेऊन निर्णय घेणे अपेक्षित असतांना ग्रामविकास मंत्री मात्र, दुचकीवर बसून निघून गेले असे तरुणांनी म्हटलं आहे. महाजन यांचा हा व्हिडिओ सोशल मिडियावर चांगलाच व्हायरल होतो आहे.
मंत्री गिरीश महाजन ही जामनेर मतदारसंघातील लिहा तांडा गावात दौऱ्यावर गेले होते. या गावात पोहोचल्यानंतर त्यांचे स्वागत खराब रस्त्यांनी झाले. रस्त्यावर मोठा चिखल साचला असून नुसती माती व घाण पाणी रस्त्यावर दिसत आहेत. दरम्यान, गावातील रस्त्यांच्या वाईट अवस्थेबद्दल गावातील काही तरुण गिरीश महाजन यांना जाब विचारतांना दिसत आहे. मात्र, महाजन यांनी त्यांच्या प्रश्नांना उत्तर न देता कार्यकर्त्यांच्या दुचाकीवर बसून याच चिखल युक्त रस्त्याने जातांना दिसत आहे. सोशल मीडियावर हा व्हिडीओ तुफान व्हायरल झालाय. तर काही तरुण गिरीश महाजणांना हाका मारून त्यांच्या मागे धावतांना दिसत आहेत. हा व्हिडिओ सोशल मिडियावर व्हायरल होतो आहे.
Discussion about this post