महाराष्ट्र वनविभागात सरकारी नोकरीच्या शोधात असणाऱ्या तरुणांसाठी महत्त्वाची बातमी आहे. महाराष्ट्र शासन, उपवनसंरक्षक, मेळघाट व्याघ्र प्रकल्प, वन्यजीव विभागाद्वारे भरती जाहीर करण्यात आली असून यासाठी पात्र उमेदवारांकडून ऑनलाइन आणि ऑफलाइन दोन्ही पद्धतीने अर्ज मागविले जात आहे. या नोकरीसाठी अर्ज करण्याची शेवटची तारीख ७ एप्रिल २०२५ आहे. या नोकरीसाठी इच्छुक उमेदवारांनी अर्ज ईमेल किंवा ऑफलाइन पद्धतीने पाठवावे.
प्रकल्प सल्लागार, कनिष्ठ संशोधन जीवशास्त्रज्ञ, वन्यजीव जीवशास्त्रज्ञ, वरिष्ठ सल्लागार, कनिष्ठ संशोधन जीवशास्त्रज्ञ अशा विविध पदांसाठी ही भरती जाहीर करण्यात आली आहे.
पात्रता काय?
या नोकरीसाठी अर्ज करणाऱ्या उमेदवाराने संबंधित क्षेत्रात पदवी प्राप्त केलेली असावी. ११ महिन्यांच्या कंत्राटी पद्धतीने ही भरती केली जाणार आहे. प्रकल्प सल्लागार पदासाठी अर्ज करणाऱ्या उमेदवाराने M.Sc Life Science मध्ये पदवी प्राप्त केलेली असावी. ज्युनिअर रिसर्च बायोलॉजिस्ट पदासाठी उमेदवाराने संबंधित क्षेत्रात पदवी प्राप्त केलेली असावी. या नोकरीसाठी इच्छुक उमेदवारांनी लवकरात लवकर अर्ज करावेत.
एकूण ५ रिक्त जागांसाठी ही भरती करण्यात येणार आहे. या नोकरीसाठी मुलाखत ११ एप्रिल रोजी होणार आहे. त्यासाठी तुम्हाला सकाळी ११ वाजता विभागीय वनअधिकारी, मेळघाट वन्यजीव विभाग, परतवाडा यांचे कार्यालय टिंबर डेपो रोड, परतवाडा, अचलपूर येथे उपस्थित राहायचे आहे.
या नोकरीसाठी तुम्ही dcf.akot@yahoo.com/ dyfsipna@gmail.com येथे पाठवायचा आहे. या नोकरीसाठी निवड झाल्यावर उमेदवारांना १५००० ते ३५००० रुपये पगार मिळणार आहे. या नोकरीसाठी इच्छुकांनी लवकरात लवकर अर्ज करावेत.
Discussion about this post