मुंबई । ऐन विधानसभा निवडणुकीचा प्रचार शिगेला पोहचला असतानाच राष्ट्रवादी अजित पवार गटाचे नेते छगन भुजबळ यांच्या दाव्याने महायुतीच्या अडचणी वाढण्याची शक्यता आहे. ईडीपासून सुटका व्हावी यासाठी आपण भाजपसोबत गेलो, असा दावा छगन भुजबळ यांनी केला आहे. राजदीप सरदेसाई यांच्या पुस्तकात हा दावा करण्यात आला असून यामुळे राजकीय वर्तुळात खळबळ उडाली आहे.
विधानसभा निवडणुकीचा प्रचार ऐन रंगात आला असतानाच भुजबळांच्या या दाव्याने महाराष्ट्राच्या राजकारणाला वेगळं वळण मिळू शकते. ओबीसी असल्याने माझ्या मागे यंत्रणा लागल्या. ईडीपासून मुक्ती मिळाली, त्यामुळेच भाजपसोबत गेल्याचा आनंद.. असे छगन भुजबळ यांनी राजदीप सरदेसाई यांच्या पुस्तकात म्हटलेय.
ज्येष्ठ पत्रकार राजदीप सरदेसाई यांच्या ‘२०२४ : द इलेक्शन दॅट सरप्राइज्ड इंडिया’ या पुस्तकात नोंदवण्यात आला आहे. या पुस्तकातील ‘हमारे साथ ईडी है’ या शीर्षकाच्या प्रकरणात राज्यातील राजकारणावर भाष्य करण्यात आले आहे. अजित पवार, त्यांची पत्नी सुनेत्रा, प्रफुल्ल पटेल, सुनील तटकरे, हसन मुश्रीफ, अनिल देशमुख, नवाब मलिक अशा विविध नेत्यांना ईडीच्या चौकशांना सामोरे जावे लागले होते. मी, नवाब मलिक, अनिल देशमुख तुरुंगात गेलो होतो. ईडीपासून सुटका हवी असेल तर भाजपसोबत जावं लागेल, अशी भावना राष्ट्रवादीच्या नेत्यांच्या मनात होती. शरद पवारांनाही याबाबत माहिती होती, पण ते अनुकूल नव्हते. त्यामुळे अजित पवार यांच्या नेतृत्वात भाजपसोबत जाण्याचा निर्णय घेतला,असा दावा पुस्तकात करण्यात आला.
ईडीपासून मुक्तीसाठी भाजपमध्ये गेल्याचं छगन भुजबळ म्हणालेत. ओबीसी असल्याने कारवाई झाल्याचेही भुजबळ यांनी म्हटलेय.राजदीप सरदेसाई यांच्या पुस्तकात हा दावा करण्यात आलाय.
Discussion about this post