मुंबई । राज्याचे उपमुख्यमंत्री एकनाथ शिंदे यांना जीवे मारण्याची धमकी देण्यात आली आहे. एकनाथ शिंदेंची गाडी बॉम्बने उडवण्याची धमकी अज्ञात व्यक्तीकडून गोरेगाव पोलिसांना ईमेल द्वारे पाठवण्यात आली आहे. शिंदेंना आलेल्या या धमकीमुळे सुरक्षा यंत्रणा अर्लट मोडवर आल्या असल्याचे सांगण्यात येत आहे.
उपमुख्यमंत्री एकनाथ शिंदे यांना उडवून देण्याचा धमकीचा ई-मेल गोरेगाव पोलीस ठाण्यात आला आहे. पोलिसांकडून ई-मेल पाठणाऱ्यांचा शोध सुरु आहे. उपमुख्यमंत्री एकनाथ शिंदे यांना जीवे मारण्याच्या धमकीचा मेल आल्याने एकच खळबळ उडाली.
मुंबईतल्या जवळपास 7 ते 8 पोलीस ठाणे आणि इतर विभागात धमकीचा मेल करण्यात आला आहे. ई-मेलमध्ये एकनाथ शिंदेंना बॉम्बने उडवून देण्याची धमकी देण्यात आली आहे. मुंबई पोलिसाकडून या मेलचा तपास सुरू आहे.
दरम्यान, दोनच दिवसापूर्वी गृह खात्याकडून सत्तेतील काही नेत्यांची सुरक्षा कमी करण्यात आली होती. त्यानंतर आज एकनाथ शिंदे यांना जीवे मारण्याची धमकी मिळाली आहे. त्यामुळे या धमकीकडे गांभीर्याने पाहिले जात आहे.
Discussion about this post