धरणगाव । धावत्या कारचे अचानक टायर फुटल्याने रोडवरील भिंतीला आदळली. यात महिलेचा दुर्दैवी मृत्यू झाल्याची घटना धरणगाव तालुक्यातील चांदणी कुऱ्हा गावाजनीक घडली शरीफाबी शेख तय्यक (वय-५६) रा. धरणगाव असे मृत महिलेचे नाव आहे.
याबाबत असे कि, शरीफाबी शेख तय्यकब या महिला आपल्या परिवारासह वास्तव्याला आहे. बुधवारी १९ जुलै रोजी सकाळी साडेअकरा वाजेच्या सुमारास त्यांचा मुलगा शेख अफसर शेख तय्यब यांच्यासोबत कारने धरणगावकडून अमळनेर येथे जाण्यासाठी निघाले. शरीफाबी यांचा मुलगा शेख अफसर शेख तय्यब हा कार चालवत होता. तर शरीफाबी पुढच्या सीटवर बसलेल्या होत्या.
धरणगाव तालुक्यातील चांदणी कुऱ्हा गावानजीक धावत्या कारचे अचानक टायर फुटले. त्यामुळे शेख अफसरचा कारवरील ताबा सुटला आणि कार थेट रस्त्याच्या कडेला असलेल्या भिंतीवर आदळली. यात शरीफाबी या महिला गंभीर जखमी झाल्या. स्थानिक गावकरी आणि वाहनधारकांच्या मयतीने जखमी महिलेला बाहेर काढून तातडीने जळगाव येथील जिल्हा शासकीय वैद्यकीय महाविद्यालयात दाखल करण्यात आले. वैद्यकीय अधिकारी यांनी तपासणी अंती मयत घोषीत केले. दुपारी अडीच वाजता शवविच्छेदन करून मृतदेह नातेवाईकांच्या ताब्यात देण्यात आला.
Discussion about this post