मुंबई । सध्या राज्यात महानगरपालिका निवडणुकांची रणधुमाळी सुरु असून येत्या 15 जानेवारी रोजी महापालिका निवडणुकीचे मतदान होणार आहे. तसेच 16 जानेवारी रोजी मतमोजणी पार पडणार आहे. दरम्यान सर्वांच्या नजारा मुंबई महानगरपालिकेकडे आहे. मुंबई महापालिका निवडणुकीसाठी काँग्रेसने पहिली यादी जाहीर केली आहे.
या पहिल्या यादीत ८७ जणांच्या नावांचा समावेश आहे. वंचित बहुजन आघाडीच्या साथीने लढणाऱ्या काँग्रेसने आमदार-खासदारांच्या कुटुंबातील सदस्यांच्या नावाचाही समावेश यादीत पाहायला मिळत आहे. राज्यसभा खासदार चंद्रकांत हंडोरे आणि आमदार अस्लम शेख यांच्या कुटुंबातील सदस्य यंदा रिंगणात पाहायला मिळेल.
मुंबई महापालिका निवडणुकीसाठी ठाकरे बंधू एकत्र झाले आहेत. तर दुसरीकडे काँग्रेस आणि वंचित बहुजन एकत्र लढणार आहेत. काँग्रेस आणि वंचित बहुजन आघाडीचं जागावाटप देखील निश्चित झालं आहे. वंचित बहुजन आघाडी ६२ जागांवर निवडणूक लढणार आहे. तर काँग्रेस उर्वरित जागांवर निवडणूक लढणार आहे.
Discussion about this post