जळगाव । शरद पवार गटाच्या महिला प्रदेशाध्यक्ष रोहिणी खडसे यांनी भाजपचे नेते चंद्रकांत पाटील यांना बदाम पाठवण्याचा निर्णय घेतला आहे. कारण चंद्रकांत पाटील यांनी मुलींसाठी मोफत शिक्षणाची घोषणा केली होती. परंतु, अद्यापही त्या घोषणेची अंमलबजावणी झालेली नाही. यामुळे रोहिणी खडसे यांनी त्यांना त्यांच्या घोषणांची आठवण करून देण्यासाठी आणि त्यांची वचनपूर्ती होईल यासाठी बदाम पाठवण्याची घोषणा केली आहे.
रोहिणी खडसे म्हणाल्या, “चंद्रकांत दादा, आपण केलेल्या घोषणांची आठवण म्हणून आम्ही तुम्हाला बदाम पाठवीत आहोत. मुलींसाठी मोफत शिक्षणाची जी घोषणा केली आहे ती आठवण व्हावी, यासाठी आम्ही सर्व पदाधिकारी आपल्याला बदाम पाठवत आहोत. आपण जी घोषणा केलेली आहे, आता ऍडमिशन सुरू झालेली आहे आणि आमच्या सर्व मुली तुम्ही केलेल्या घोषणांची वाट बघत आहेत.”
मुलींसाठी मोफत शिक्षणाची घोषणा केली असतानाही अद्याप त्या घोषणांची अंमलबजावणी न झाल्यामुळे मुलींमध्ये नाराजी व्यक्त होत आहे. मोफत शिक्षणाचा हक्क मिळावा यासाठी रोहिणी खडसे यांच्यासह अनेक महिला पदाधिकारी चंद्रकांत पाटलांना त्यांच्या घोषणांची आठवण करून देत आहेत.
Discussion about this post