भुसावळ । आगामी विधानसभा निवडणुकीच्या तोंडावर भुसावळमध्ये राष्ट्रवादी शरद पवार गटाला मोठा धक्का बसण्याची शक्यता आहे. येथील शरद पवार गटाचे माजी आमदार संतोष चौधरी हे कॉंग्रेसमध्ये प्रवेश करण्याची शक्यता आहे. गेल्या आठ दिवसांपासून ते मुंबईत तळ ठोकून असून, कॉंग्रेसचे प्रदेशाध्यक्ष नाना पटोले यांच्याशी त्यांनी दोन वेळा या संदर्भात चर्चा केली आहे
दरम्यान, नुकत्याच पार पडलेल्या लोकसभा निवडणुकीसाठी शरद पवार गटाच्या माध्यमातून संतोष चौधरी यांनी उमेदवारी मागितली होती. तथापि, त्यांच्या ऐवजी श्रीराम पाटील यांना तिकिट मिळाल्यानंतर ते नाराज झाले होते. येथूनच ते वेगळा मार्ग निवडणार असल्याची चर्चा झाली होती.
या पार्श्वभूमिवर, संतोषभाऊ चौधरी आणि त्यांचे समर्थक हे भारतीय राष्ट्रीय काँग्रेस पक्षात सहभागी होण्याची चाचपणी करत असल्याची माहिती आता समोर आली आहे. त्यांनी पक्षाचे प्रदेशाध्यक्ष नाना पटोले यांची भेट घेतली असून यातच संतोषभाऊंच्या प्रवेशाची चर्चा झाल्याची खात्रीलायक माहिती समोर आली आहे. यामुळे आता भुसावळ शहर आणि विधानसभा मतदारसंघातील राजकारणाला वेगळी दिशा मिळणार असल्याची शक्यता वर्तविण्यात येत आहे.
Discussion about this post