नंदुरबार । शेळ्या चारण्यासाठी गेलेल्या एका चिमुकल्यावर बिबट्याने हल्ला करत मुलाला उसाच्या शेतात फरपटत नेले. या घटनेत मुलाचा मृत्यू झाला आहे. दरम्यान, सोबत असलेले दोन्ही मुलांसमोर घटना घडल्याने ते घाबरले व त्यांनी जोरजोरात आरोळ्या मारल्या.
अंबापूर- राणीपूर रस्त्यावर रोहित गंगाराम मोरे हा आपल्या मावशीसोबत शेतातच झोपडीत राहत होता. दरम्यान रोहित हा बुधवारी शेळ्या चारण्यासाठी गेला असता बिबट्याने त्याच्यावर हल्ला करत उसाच्या शेतात नेले. सोबतच्या दोन मुलांनी आरडाओरडा केल्यानंतर घटनेची माहिती ग्रामस्थांना समजली.
घटनास्थळी राणीपूर, इस्लामपूर, लक्कडकोट येथील ग्रामस्थांनी धार घेत शोध सुरु केला. यानंतर पोलीस व वन विभागाला याची माहिती देण्यात आली असता घटनास्थळी धाव घेत पंचनामा केला. राणीपूरचे वनक्षेत्रपाल एम. बी. चव्हाण व कर्मचारी तब्बल तीन तास उशिरा आल्याने ग्रामस्थांनी आक्रमक पवित्रा घेतला.
Discussion about this post