मुंबई । राज्यात महिलांसह अल्पवयीन मुलींवर अत्याचार काही केल्या कमी होताना दिसत असून अशातच एक धक्कादायक घटना ठाण्यातून समोर आलीय. 16 वर्षीय शाळकरी पीडित मुलीचे अंघोळ करतानाचे अश्लील फोटो व्हायरल करण्याची आणि कुटूंबालाही ठार मारण्याची धमकी देऊन तिच्यावर शेजारी राहणाऱ्या 37 वर्षीय आरोपीने अत्याचार केला. धक्कादायक बाब म्हणजेच आरोपीवर गुन्हा दाखल होताच त्याने आत्महत्या केलीय.
ही घटना ठाणे जिल्ह्यातील मुरबाड तालुक्यातील एका गावात घडली आहे. याप्रकरणी आत्महत्या करणाऱ्या 37 वर्षीय आरोपीवर बलात्कारासह विविध कलमानुसार आणि पोक्सो कायद्या अंर्तगत गुन्हा दाखल केला आहे. पोलिसांनी या प्रकरणाचा तपास सुरू केला आहे.
पोलिसांनी दिलेल्या माहितीनुसार, पीडित शाळकरी मुलगी मुरबाड तालुक्यातील एका गावात दहावीच्या वर्गात शिक्षण घेत आहे. तर 37 वर्षीय आरोपीचा विवाह झाला असून पत्नी त्याला सोडून गेली असून तो पीडित मुलीच्या शेजारी राहत होता. त्यातच जानेवारी 2024 मध्ये मृत आरोपीची वाईट नजर शेजारी राहणाऱ्या शाळकरी पीडित मुलीवर पडली होती. त्यातच आरोपीने पीडित मुलीच्या घरच्या मागे असलेल्या बाथरूममध्ये ती अंगोळ करतानाचे फोटो त्याने आपल्या मोबाइलमध्ये चित्रित केले. त्यानंतर तेच फोटो पीडित मुलीला दाखवून व्हायरल करण्याची धमकी दिली. तसेच कुटूंबालाही मारण्याची धमकी देऊन तिच्यावर बाथरूममध्येच 18 जानेवारी 2024 ते 15 फेब्रुवारी 2024 पर्यत वारंवार बलात्कार करत होता.
तिच्यावर घडत असेलला धक्कादायक प्रकार तिने आईला सांगितला. त्यानंतर 9 फ्रेबुवारी 2024 रोजी पीडित मुलीला घेऊन पीडितेच्या आईने मुरबाड पोलीस ठाणे गाठून आरोपी विरोधात तक्रार देण्यास गेली होती. त्यानंतर 37 वर्षीय शेजारी राहणाऱ्या आरोपीवर मुरबाड पोलीस ठाण्यात गुन्हा दाखल केल्याची माहिती तपास अधीकारी बाबर यांनी दिली आहे. शिवाय गुन्हा दाखल होताच आरोपीने दुसऱ्या गावात राहणाऱ्या एका मित्राच्या घरी जाऊन विष प्राशन केल्याची माहितीही तपास अधिकारी बाबर यांनी दिली आहे. मात्र या घटनेमुळे मुरबाड तालुक्यात एकच खळबळ उडाली असून पोलीस या घटनेचा अधिक तपास करीत आहेत.
Discussion about this post