नोव्हेंबर महिना सुरू होताच जनतेला महागाईचा झटका : गॅस सिलिंडर महागला

मुंबई : नोव्हेंबर महिना सुरू होताच जनतेला महागाईचा मोठा धक्का बसला आहे. व्यावसायिक गॅस सिलिंडरच्या किमती वाढल्या असून 101.50 रुपयाची वाढ झाली आहे. नवीन दर आज म्हणजेच 1 नोव्हेंबर 2023 पासून लागू झाले आहेत.

यासोबतच आता मुंबई मध्ये 19 किलोच्या एलपीजी सिलेंडरची किंमत 1785.50 रुपये झाली आहे. घरगुती एलपीजी सिलिंडरच्या किंमतीत कोणताही बदल करण्यात आलेला नाही.

गेल्या महिन्यातही तेल कंपन्यांनी व्यावसायिक गॅस सिलेंडरच्या किमतींत 209 रुपयांनी वाढ करून लोकांना मोठा धक्का दिला होता. यानंतर दिल्लीत व्यावसायिक सिलेंडरची किंमत 1731.50 रुपयांवर आली. सलग दुसऱ्या महिन्यात तेल कंपन्यांनी व्यावसायिक एलपीजीच्या किमतींत वाढ केली आहे.

घरगुती गॅस सिलेंडरच्या दरांत कोणताही बदल झालेला नाही
1 नोव्हेंबर रोजी घरगुती एलपीजीच्या किमतींत कोणताही बदल करण्यात आलेला नाही आणि तो जुन्याच दरांवर कायम आहे. देशातील चार प्रमुख मेट्रो शहरांवर नजर टाकल्यास, 14.20 किलोचा घरगुती गॅस सिलेंडर दिल्लीत 903 रुपये, कोलकात्यात 929 रुपये, मुंबईत 902.50 रुपये आणि चेन्नईमध्ये 918.50 रुपयांना मिळतो.